Almatyda sáuír aıynda jastardyń sportpen aınalysuyna, shyǵarmashylyq qabíletín damytuǵa jáne qoǵamdyq ómírge belsendí aralasuyna baǵyttalǵan bírqatar joba bastau alady, – dep habarlaıdy aqshamnews.kz tílshísí.
Būl turaly Almaty qalasy Jastar sayasaty basqarmasynyń basshysy Azız Kajdenbek Óńírlík kommunıkatsıyalar qyzmetínde ótken baspasóz máslıhatynda aıtty.
Negízgí jobalardyń bírí 1-30 sáuír aralyǵynda ótetín ūlttyq sport túrleríne arnalǵan YOUTH NOMADS festıvalí. Joba eń aldymen NEET sanatyndaǵy jastarǵa, sondaı-aq jūmys ísteıtín jas buyn ókílderíne baǵyttalǵan. Ūıymdastyrushylardyń aıtuynsha, festıvalge shamamen 30 myńǵa juyq qatysushy tartu josparlanyp otyr.
«Almatyda 15 myńnan astam jas bazarda eńbek etedí. Bíz sport pen ūlttyq oıyndar arqyly olardyń damuyna, ózara baılanys ornatuyna jáne qalanyń belsendí ómíríne aralasuyna múmkíndík jasaımyz», — dedí joba jetekshísí Qadyrbek Faızullaev.
Baǵdarlama ayasynda qazaqsha kúres, arqan tartu, qol kúresí, asyq atu jáne láńgí oıyndary boıynsha jarys ótedí. Júlde qory — 2,5 mln teńge.
Sonymen qatar qalada shyǵarmashyl jastarǵa arnalǵan Jas Gala festıvalí ūıymdastyrylady. Íríkteu kezeńí 11-16 sáuír aralyǵynda vokal, horeografıya, mobılografıya, aspapta oryndau jáne akterlík sheberlík baǵyttary boıynsha ótedí.
«Almaty studentterí alyansy» korporatıvtík qorynyń úılestírushísí Jūldyz Jaqsybaıdyń aıtuynsha, būl joba studentterdíń ózín-ózí tanytuyna múmkíndík beretín tıímdí alań bolmaq.
Sáuír aıynda ALMA CUP 2026 studenttík turnırí de josparlanǵan. Oǵan 1000-nan astam student pen 80-nen astam komanda qatysady.
«ALMA CUP — būl tek sport jarysy emes. Būl komandalyq mádenıettí qalyptastyryp, kóshbasshylyq qasıettí damytuǵa baǵyttalǵan alań», — dedí joba jetekshísí Aqarys Tórebek.
«Bíz jastardyń áleuetín ashuǵa jáne olardyń bastamalaryn qoldauǵa baǵyttalǵan jobalardy ūsynyp otyrmyz. Jastarǵa ózderí qyzyǵatyn baǵyttarda damuyna múmkíndík beru mańyzdy. Būl shyǵarmashylyqqa da, sportqa da, mádenı qūndylyqtarǵa da qatysty. Mūndaı bastamalar belsendí árí jauapty qoǵam qalyptastyruǵa yqpal etedí», — dep sózín túıíndedí Azız Kajdenbek.