Astana Half Marathon jartylaı marafony ayasynda sanaly tūtynu mádenıetín qalyptastyruǵa jáne qorshaǵan ortaǵa ūqypty qaraudy nasıhattauǵa baǵyttalǵan «Taza Qazaqstan» ekologıyalyq aktsıyasy ótíp jatyr, – dep habarlaıdy aqshamnews.kz tílshísí.
Jartylaı marafon baǵyty boıyndaǵy tamaqtanu oryndarynda plastık bótelkeler men alyumınıı bankalardy bólek jınauǵa arnalǵan toǵyz arnaıy qabyldau punktí ūıymdastyryldy. Onyń segízí jarys baǵyty boıynda ornalassa, taǵy bírí start-máre qalashyǵynda jūmys ísteıdí.
Sonymen qatar Econetwork ūıymymen bírlesíp, start-máre aımaǵynda arnaıy jasyl alań ūıymdastyryldy. Onda jarysqa qatysushylar men qonaqtar úshín ekologıyalyq sheberlík sabaqtary men ınteraktıvtí ís-sharalar ótkízílíp jatyr.
Alańda plastıktí qaıta óńdeuge arnalǵan veloshrederler men ekstruderler de ornatylǵan.
Sonyń arqasynda qonaqtar men qatysushylar zamanauı ekologıyalyq tehnologıyalardyń jūmysymen tanysyp, tabıǵatty qorǵau ísín qyzyqty árí paıdaly ınteraktıvke aınaldyra alady.
Qonaqtar men júgírushíler úshín qorshaǵan ortany qorǵau jáne ekologıyalyq jauapkershílík máseleleríne nazar audaratyn arnaıy ınteraktıvtí ekologıyalyq oıyn ázírlengen.
Ūıymdastyrushylardyń aıtuynsha, marafon barysynda jınalǵan barlyq qoqys qaıta óńdeuge jíberíledí.