Kúní boıy saılau uchaskelerínde tynysh árí jaǵymdy ahual saqtaldy, dep habarlaıdy aqshamnews.kz tílshísí.
Qazaqstan Respublıkasy Qūryltaıy deputattarynyń saılauyndaǵy dauys beru ūıymdasqan, tynysh árí ashyq jaǵdaıda óttí. El óńírlerínen kelíp túsken aqparatqa sáıkes, dauys beru barysynda zańbūzushylyqtar tírkelgen joq. Būl turaly Táuelsíz baıqaushylardyń aqparattyq shtabynyń jetekshísí Rafael Gasanov Almaty qalasynyń Qoǵamdyq kommunıkatsıyalar ortalyǵynda ótken qorytyndy brıfıngte málímdedí.
«Kúní boıy bízdíń áríptesterímíz jergílíktí jerlerde bolyp, óńírlerdegí jaǵdaı turaly aqparatty tíkeleı jetkízíp otyrdy. Shtabtyń aqparattyq jelísí elímízdíń barlyq 20 óńírín qamtydy. Būl bízge bolyp jatqan jaǵdaıdyń barynsha tolyq árí obektıvtí kórínísín aluǵa múmkíndík berdí», – dedí Rafael Gasanov.
Óńírlík ókílderdíń málímetínshe, saılau uchaskelerí dauys beruge daıyn boldy jáne azamattar úshín qajettí jaǵdaılar jasaldy. Erekshe qajettílíkterí bar azamattar úshín saılau uchaskeleríníń qoljetímdílígíne de erekshe nazar audaryldy.
Saılau protsesíníń ashyqtyǵy negízgí qorytyndylardyń bírí boldy. Dauys beru barysy men saılaushylardyń qatysu kórsetkíshí turaly aqparat qoǵamǵa tūraqty túrde berílíp otyrdy. Saılau uchaskelerínde baıqaushylar men būqaralyq aqparat qūraldarynyń ókílderí jūmys ístedí. Óńírlík jelí kúní boıy Almatydaǵy shtabtyń ortalyq alańymen tíkeleı baılanysta boldy.
Aqparattyq shtabta azamattardyń joǵary belsendílígí de erekshe atap ótíldí. Ortalyq saılau komıssıyasynyń aldyn ala málímetterí boıynsha, saılaushylardyń qatysu kórsetkíshí 74,19 paıyzdy qūrady. Dauys beruge 9,3 mıllıonnan astam adam qatysty.
«Būl – qoǵamnyń sayası protsesterge belsendí aralasuynyń mańyzdy kórsetkíshí. Bíz azamattardyń sayası protsesterden shet qalmaı, eldíń odan árí damu baǵytyn aıqyndauǵa tíkeleı qatysuǵa daıyn ekenín kórdík», – dep atap óttí Rafael Gasanov.
Óńírlík jelíníń málímetínshe, kúní boıy saılau uchaskelerínde tynysh árí jaǵymdy ahual saqtaldy. Dauys beruge túrlí buyn ókílderí qatysyp, kóptegen azamattar saılau uchaskeleríne otbasylarymen keldí.
Aqparattyq shtabta dauys beru kúníníń qorytyndysy saılau komıssıyalarynyń, baıqaushylardyń, azamattyq qoǵam ókílderíníń, būqaralyq aqparat qūraldarynyń jáne saılau protsesíníń ūıymdastyrushylyq árí aqparattyq bólígín qamtamasyz etken mamandardyń úılesímdí jūmysynyń nátıjesí ekenín atap óttí.
Táuelsíz baıqaushylardyń aqparattyq shtaby óńírler, baıqaushylar, jurnalıster jáne qoǵam arasynda tūraqty baılanysty qamtamasyz ettí. Kelíp túsken aqparat jergílíktí jerlerdegí ókílder arqyly tíkeleı tekserílíp otyrdy.
Saılau nauqanynyń qorytyndysy boıynsha Táuelsíz baıqaushylardyń aqparattyq shtaby aldyna qoıylǵan míndetterdí oryndap, óz jūmysyn ayaqtady.