, – dep habarlaıdy aqshamnews.kz tílshísí.
Qanysh Sátbaevtyń ómírí geologıyalyq ekspedıtsıyalarmen, ūzaq saparlarmen tyǵyz baılanysty. Qazaq ǵylymynyń negízín qalaǵan ǵalym myńdaǵan shaqyrymdy kólíkpen júríp ótken. Típtí keı saparlarda mashınanyń kabınasy onyń jūmys orny árí demalatyn jerí bolǵan.
Daladaǵy serígí – GAZ-AA
1930 jyldary Sátbaev bastaǵan geologtar GAZ-AA júk kólígín, el arasynda «polutorka» atanǵan mashınany keńínen paıdalanǵan. Ekspedıtsıyaǵa shyqqanda onyń kuzovyna qūral-jabdyq, azyq-túlík tıelíp, geologtar da sonda jaıǵasatyn.
Aptap ystyq pen qaqaǵan ayazda myńdaǵan shaqyrym júruge tura kelgen. Keıín Sátbaev basshylyq qyzmetke kelgende geologtar mínetín júk kólíkteríníń ústín jauyp, íshíne jylytatyn pesh ornatuǵa tapsyrma bergení aıtylady.
Jolsyz dalaǵa – GAZ-69A
1950 jyldary geologtardyń jaǵdaıy bírshama jaqsardy. Sátbaev Qazaqstan geologtarynyń jańa GAZ-69A jol talǵamaıtyn kólíkterín alǵashqylardyń bírí bolyp aluyna yqpal etken.
Tolyq jetektí, bes adamǵa arnalǵan būl mashına shalǵaıdaǵy ken oryndaryna jetuge áldeqaıda qolaıly edí. Uaqyt óte kele GAZ-69A geologtardyń eń senímdí kólíkteríníń bíríne aınaldy.
Nege Sátbaevtyń ZIM-í sūr tústí boldy?
Qazaqstan Ǵylym akademıyasynyń tūńǵysh prezıdentí retínde Qanysh Sátbaevqa qyzmettík kólík berílgen. Aldymen ol GAZ-M20 «Pobeda», keıín GAZ-M12 ZIM míngen.
Bír qyzyǵy, sol kezeńdegí lauazymdy tūlǵalardyń ZIM-í negízínen qara tústí bolsa, Sátbaev sūr tústí kólíktí tańdaǵan. Būl ǵalymnyń qarapaıym bolmysymen baılanystyrylyp júr. Sūr ZIM oǵan 1964 jylǵa deıín qyzmet etken.
Al alǵashqy kólíkterdíń bírí – Ford
Sátbaev eńbek jolyn bastaǵan 1920 jyldary Atbasar tústí metaldar tresíníń geologtary amerıkalyq Ford kólíkterín paıdalanǵan. Olar revolyutsıyaǵa deıín Jezqazǵan ken oryndaryn ıgergen aǵylshyn kásípkerlerínen qalǵan tehnıkalardyń qatarynda bolǵan.
Qarapaıym árí tózímdí Ford mashınalary sol kezdegí qazaq dalasynda geologtar úshín taptyrmas kólík edí.
Osylaısha, Qanysh Sátbaev míngen mashınalardyń tarıhy – jaı ǵana avtomobılder turaly áńgíme emes. Ford pen «polutorkadan» bastalǵan jol keıín qazaq ǵylymynyń tūńǵysh akademıgíníń sūr ZIM-íne deıín jalǵasty.
Materıal Tengri Auto jáne QAZ-Auto derekterí negízínde ázírlendí.