Qazaqstan Respublıkasynyń Ūlttyq ūlanyna qarasty 5571 áskerı bólímínde qazaqstandyq tanymal sportshy, dzyudodan halyqaralyq jarystardyń júldegerí, IJF 3 dan ıegerí Ábıba Ábujaqynova jeke qūrammen kezdesu ótkízdí, – dep habarlaıdy aqshamnews.kz tílshísí.
Atalǵan ís-shara áskerı qyzmetshílerdíń ruhanı-adamgershílík tárbıesín nyǵaıtu, salauatty ómír saltyn nasıhattau jáne jastardy patrıottyq ruhta tárbıeleu maqsatynda ūıymdastyryldy.
Kezdesu barysynda Ábıba Ábujaqynova sporttaǵy jetístíkterí men jeńíske jetu jolyndaǵy tabandylyǵy turaly keńínen áńgímelep, sarbazdarǵa jíger berdí. Ol óz sózínde tabysqa jetudíń basty qaǵıdattaryna erekshe toqtaldy.
-Árbír jetístík - úzdíksíz eńbektíń, temírdeı tártíptíń jáne óz maqsatyńa degen senímníń nátıjesí. Qandaı salada bolmasyn, adam ózíne talap qoya bílse, kez kelgen bıíktí baǵyndyra alady, - dedí sportshy.
Sondaı-aq, ol dzyudo sportynyń qyr-syrymen bólísíp, áskerı qyzmetshílerdíń sūraqtaryna jauap berdí. Kezdesu jyly árí áserlí atmosferada órbídí.
Ís-sharaǵa Qazaqstan halqy Assambleyasy janyndaǵy Almaty qalasynyń ūltaralyq jáne konfessıyalyq kelísím ortalyǵynyń ókílderí – Bolat Ospanov, Dolkuntaı Abdulhalıl, Ruslan Kalıolloaev, Daut Mohammad, Manas Tashybekov, Saltanat Lekerova, Bekarys Ábdíldabekov, sondaı-aq Almaty qalasy polıtsıya departamentí esírtkíge qarsy kúres jóníndegí aǵa jedel uákílí, polıtsıya maıory Sūlushash Dosbolova qatysty.
Kezdesu sońynda áskerı bólím basshylyǵy atynan qonaqtarǵa alǵys bíldírílíp, estelík syılyqtar tabystaldy. Mūndaı mazmūndy kezdesuler áskerı qyzmetshílerdíń ruhyn kóteríp, olardyń boıynda otansúıgíshtík qasıettí qalyptastyruǵa jáne salauatty ómír saltyn ūstanuǵa tyń serpín beretíní atap ótíldí.