Almatyda demalys kúnderí ótetín jármeńkelerdí zamanauı formatqa kóshíru arqyly jańǵyrtu jūmystary bastalady. Būl turaly Almaty qalasy ákímíníń orynbasary Oljas Smaǵūlov Óńírlík kommunıkatsıyalar qyzmetínde ótken brıfıng barysynda málímdedí, – dep habarlaıdy aqshamnews.kz tílshísí.
Jańǵyrtu jūmystary Bostandyq jáne Áuezov audandarynda qolǵa alynady. Joba ayasynda ınfraqūrylymdy jańartu, sondaı-aq satyp alushylar men kásípkerler úshín qolaıly jaǵdaı jasau kózdelíp otyr.
Qalada demalys kúnderí ótetín jármeńkeler azyq-túlík baǵasynyń qoljetímdílígín qamtamasyz etudíń mańyzdy tetíkteríníń bírí bolyp qala beredí. Bıyl myńnan astam jármeńke ótkízu josparlanǵan. Būl byltyrǵy jylmen salystyrǵanda 2,5 esege kóp.
Fermerler men otandyq tauar óndírushílerdíń ónímderí deldalsyz, tíkeleı jetkízíletíndíkten, tauarlar ortasha naryqtyq baǵadan 5-15%-ǵa tómen baǵamen ūsynylady.
Jańǵyrtu ayasynda jármeńke alańdary qalanyń dızaın-kodyna sáıkes bíryńǵaı sáulettík stılde rásímdeledí. Jobada jabyq jáne ashyq sauda pavılondary, múmkíndígí shekteulí azamattarǵa beıímdelgen sanıtarlyq torap, avtotūraq, ayaldama keshenderí, qoǵamdyq tamaqtanu oryndary men kóríktendírílgen qoǵamdyq keńístíkter qarastyrylǵan.
Pılottyq joba retínde «Qazaqfılm» shaǵynaudanyndaǵy jármeńke alańy tańdaldy. Būl aumaqta shamamen 100 sauda orny ornalastyrylyp, sauda pavılondary jańartylyp, aınalasy kórkeıtíledí. Jūmystardy bıylǵy mamyr aıynda ayaqtau josparlanyp otyr. Qaıta jańartu kezeńínde jármeńke uaqytsha sol aumaqtaǵy avtotūraqta jūmys ísteıdí.
110 sauda ornyna eseptelgen ekínshí jármeńke alańy Ótegen batyr kóshesí boıynda (Abaı dańǵylynyń qıylysy mańynda) ornalasady. Būl joba da mamyr aıynda íske qosylmaq. Qūrylys jáne jańǵyrtu jūmystary júríp jatqan kezeńde Áuezov audanyndaǵy jármeńke uaqytsha Taugúl-1 shaǵynaudanynda, Pyatnıtskıı men Shalov kósheleríníń qıylysynda ūıymdastyrylady.
Aldaǵy uaqytta kommunaldyq jármeńkeler jelísín qalanyń barlyq audandaryn qamtı otyryp keńeıtu josparlanǵan.
Jobalar jeke ınvestıtsıya esebínen júzege asyrylady. Sonymen qatar jármeńkelerdíń áleumettík sıpaty saqtalady:kásípkerler men jergílíktí óndírushíler úshín qolaıly sharttar ūsynylady, qazírgí qatysushylarǵa sauda oryndary bekítíledí.
Jańartylǵan nysandar paıdalanuǵa berílgennen keıín jármeńkelerdí basqaru jáne ūsynylatyn baǵanyń saqtaluyn «Almaty» áleumettík-kásípkerlík korporatsıyasy» AQ baqylaıdy.
Jańartylǵan alańdardyń ashylu merzímí qūrylys jūmystary ayaqtalǵannan keıín qosymsha habarlanady.