Barselonada 25 jastaǵy Noelya Kastılo ómírden óttí. Bírqatar auyr oqıǵany bastan keshírgen qyz sal bolyp qalyp, evtanazıya jasau qūqyǵyna qol jetkízgen edí. Onyń oqıǵasy qoǵamda qyzu talqylanyp jatyr. Noelya Kastılonyń ísí Ispanıyada evtanazıya, adam qūqyǵy jáne moraldyq tańdau tóńíregíndegí daudy qaıta ushyqtyrdy. Ol bıyl 26 nauryzda qaıtys boldy. Osy oqıǵadan keıín "Islamda evtanazıyaǵa nege rūqsat etílmeıdí?" degen saual órshídí. Aqshamnews.kz tílshísí būl sūraqtyń jauabyn ízdep kórdí.
Islamda adam ómírí — Allanyń amanaty. Sondyqtan pendeníń óz ómírín ádeıí qıyuyna da, basqa bíreudíń ómírín toqtatuyna da rūqsat etílmeıdí. Qūranda: "Ózderíńdí óltírmeńder. Rasynda, Alla senderge erekshe meıírímdí" dep eskertíledí ("Baqara" súresí, 195-ayat). Osyǵan baılanysty ıslam ǵalymdarynyń basym kópshílígí evtanazıyany sharıǵatqa qaıshy dep baǵalaıdy. Būl turaly IslamQA jauabynda da, SeekersGuidance túsíndírmesínde de ashyq aıtylǵan.
Islam túsínígínde dert pen synaq adamdy ruhanı tūrǵydan tazartyp, sabyrǵa shaqyratyn jaǵdaı retínde qarastyrylady. Sol sebeptí qasaqana ómírdí toqtatu "jeńíl ólím" emes, Jaratushy belgílegen shekten shyǵu dep tanylady. Adam jany men tání onyń tolyq menshígí emes, uaqytsha berílgen amanat sanalady. Būl ūstanym ıslam etıkasynda keńínen kórínís tapqan.
Sonymen qatar, ıslamda belsendí evtanazıya men úmítsíz nauqasty apparattan ajyratu bír nárse emes. Qazaqstandaǵy pátua saıtynda jarıyalanǵan túsíndírmede evtanazıyanyń ózí sharıǵat boıynsha tyıym salynatyny, al dárígerler keńesíníń sheshímímen tírí qaluǵa úmítí joq nauqastan jasandy apparattardy ajyratu keı jaǵdaıda rūqsat etíletíní aıtylǵan. Mūny Fatua.kz saıtyndaǵy pátuadan oquǵa bolady. Halyqaralyq deńgeıde de osyǵan ūqsas ūstanym International Islamic Fiqh Academy sheshímderínde kórínís tapqan.
QMDB Sharıǵat jáne pátua bólímíníń úkímí:
1. Tynys aludy jeńíldetu úshín sūıyqtyqtardy shyǵaruǵa arnalǵan apparattardy ajyratuǵa bolmaıdy.
2. Evtanazıya degenímíz dáríger nauqastyń ózíníń nemese janashyrynyń kelísímímen, bolmasa dárígerdíń ózí nauqastyń auruy kúsheyuíne baılanysty ómírín qıyu. Būlaı ísteu sharıǵat boıynsha tyıym salynǵan. Ol jazyqsyz bír adamnyń janyn qıǵanmen teń.
3. Dárígerlerdíń keńesíníń (konsılıum) sheshímímen jasandy jolmen júrek qaǵysyn belgílí uaqytqa deıín soǵyp tūruyna arnalǵan medıtsınalyq apparatty tírí qaluǵa úmítí joq nauqastan ajyratuǵa rūqsat etíledí.
Sondyqtan ıslamda evtanazıyaǵa rūqsat etílmeıdí. Óıtkení ómírdí beru de, alu da - tek Allanyń qūzyryndaǵy ís.