Almatyda 2026 jyly qańtar-nauryz aılarynyń qorytyndysy boıynsha azyq-túlík ınflyatsıyasy 3,1% boldy, – dep habarlaıdy aqshamnews.kz tílshísí.
Būl kórsetkísh respublıka boıynsha ortasha deńgeıge (2,9%) jaqyn. Al áleumettík mańyzy bar azyq-túlík tauarlarynyń baǵasy salystyrmaly túrde tómen qarqynmen ósíp jatyr.
Būl turaly Almaty qalasy ákímíníń orynbasary Oljas Smaǵūlov Óńírlík kommunıkatsıyalar qyzmetíníń alańynda málímdedí.
Onyń aıtuynsha, keńeıtílgen tízímge engízílgen áleumettík mańyzy bar azyq-túlík tauarlarynyń baǵasy 19 ataudan 31 atauǵa deıín jyl basynan berí 0,9%-ǵa ósken.
"Jyl basynan berí áleumettík mańyzy bar tauarlar baǵasynyń ósímí nebárí 0,9% boldy, būl ortasha respublıkalyq deńgeıden tómen. Bíz sút, et jáne bakaleya ónímderí boıynsha kelísímshartqa alynǵan óním kólemín ekí ese arttyru úshín qosymsha 8 mlrd teńge bóldík. Sonymen qatar, shektí sauda ústemesí ayasynda sórelerdegí baǵany tūraqtandyru úshín írí sauda jelílerímen jáne jetkízushílermen júıelí jūmys júrgízílíp jatyr", dedí Oljas Smaǵūlov.
Qalada demalys kúnderí ótetín jármeńkelerdí damytuǵa jáne óndírushílerden ónímdí tíkeleı jetkízuge erekshe nazar audarylyp otyr.
"Bıyl myńnan astam jármeńke ótkízu josparlanyp otyr. Būl byltyrǵy kórsetkíshten 2,5 ese kóp. Fermerlerden tíkeleı jetkízíletín ónímder ortasha naryqtyq baǵadan 5-15%-ǵa arzan satyluǵa múmkíndík beredí. Sonymen qatar, qala tūrǵyndary úshín qolaıly bolu maqsatynda zamanauı dızaındaǵy, avtotūraǵy men sanıtarlyq toraptary bar kommunaldyq jármeńkelerdíń jańa formattary jasalyp jatyr", dedí spıker.