Būl nómír būrynǵy 1308 nómíríníń ornyna qoldanylady, – dep habarlaıdy aqshamnews.kz tílshísí.
Almatyda qala ákímdígíníń Qoǵamdyq qabyldauy — Open Almaty baılanys ortalyǵynyń bíryńǵaı 109 nómírí engízíldí.
Jańa format ótíníshterdí táulík boıy, demalys jáne mereke kúnderí de qabyldauǵa múmkíndík beredí.
Bíryńǵaı nómírge kóshu ótíníshterdí qabyldau jedeldígín arttyruǵa, jauap kútu uaqytyn qysqartuǵa jáne qalalyq servısterge qoljetímdílíktí arttyruǵa baǵyttalǵan.
109 baılanys ortalyǵy qalalyq ınfraqūrylym, kóríktendíru, tūrǵyn úı-kommunaldyq sharuashylyq jáne basqa da baǵyttar boıynsha ótínísh qabyldaıtyn negízgí baılanys arnasyna aınaldy.
Sonymen qatar tūrǵyndar úshín qosymsha baılanys tásílderí saqtalǵan:
— Open Almaty áleumettík jelílerí (Instagram, Facebook, Telegram);
— ótínísh beríp, onyń oryndaluyn baqylauǵa bolatyn Open Almaty portaly;
— ótíním joldap, mártebesín qadaǵalauǵa múmkíndík beretín mobıldí qosymsha;
— Abaı dańǵyly, 90 mekenjaıyndaǵy jobalyq keńse.
Osylaısha, ár tūrǵyn ózíne yńǵaıly tásíldí tańdap, ótíníshtí onlaın nemese kelíp joldaı alady.
Bíryńǵaı 109 nómíríníń engízíluí — qala tūrǵyndarymen ózara baılanysty kúsheıtu jáne servıster sapasyn arttyruǵa baǵyttalǵan mańyzdy qadam.