Almatyda Qazaqstan tarıhyndaǵy eń írí ınfraqūrylymdyq jobalardyń bírí — Halyqaralyq áuejaıdy jańǵyrtu jūmystary júzege asyrylyp jatyr, – dep habarlaıdy aqshamnews.kz tílshísí.
Būl turaly Almaty qalasy ákímíníń orynbasary Oljas Smaǵūlov Óńírlík kommunıkatsıyalar qyzmetínde ótken brıfıng barysynda málímdedí. 2050 jylǵa deıín eseptelgen Horizon jobasy ayasynda áuejaıdyń kelbetí túbegeılí jańaryp, termınaldar jańǵyrtylady, jolaushylar qabyldau áleuetí artyp, zamanauı servıster engízíledí. Sonyń nátıjesínde Almaty áuejaıyn óńírdegí jetekshí avıatsıyalyq habtardyń bíríne aınaldyru kózdelíp otyr.
Joba ayasynda íshkí reıster termınalynyń ótkízu qabíletí jylyna 3 mln-nan 7 mln jolaushyǵa deıín ūlǵayady. Sonymen qatar, 1500 oryndyq jabyq kópdeńgeılí avtotūraq salynyp jatyr, taksı aımaǵy retke keltírílíp, írgeles aumaq kórkeıtíledí. Joba bírneshe kezeń boıynsha júzege asyrylady. Negízgí maqsat — áuejaıdy ınfraqūrylymy damyǵan, qyzmet kórsetu deńgeıí joǵary, zamanauı eurazıyalyq avıatsıyalyq habqa aınaldyru.
Oljas Smaǵūlovtyń aıtuynsha, qazírgí tańda negízgí jūmystar 2028 jylǵa deıín josparlanǵan bírínshí kezeń ayasynda júrgízílíp jatyr. Jobanyń jalpy ınvestıtsıya kólemí — 362 mln AQSh dollary.
«Qazírgí uaqytta termınal aımaqtary jańartyldy, termınaldar men avtotūraq arasyndaǵy júrgínshíler ótkelí salyndy, íshkí CIP-termınal íske qosyldy, sondaı-aq írgeles aumaq kórkeıtíldí. Būl jolaushylarǵa kórsetíletín qyzmet sapasy men qolaılylyq deńgeıín edáuír arttyrdy», — dedí ol.
Bírínshí kezeń ayasynda bírqatar mańyzdy nysandar men júıeler jańartylyp jatyr. Atap aıtqanda, íshkí reıster termınalyn tolyq qaıta jańǵyrtu 2026 jylǵy 11 shíldede ayaqtalady. Júk qabyldau jáne sūryptau júıesíníń múmkíndígí ekí esege artady, ūshaqtardyń júruíne arnalǵan jańa jolaqtar salynady, zamanauı mūzǵa qarsy óńdeu alańy qūrylady, áue kemeleríne arnalǵan ınfraqūrylym jańartylady.
«Būǵan qosa, áuejaıdyń jańa deńgeıde jūmys ísteuín jáne halyqaralyq standarttarǵa saı boluyn qamtamasyz etu úshín óndírístík, qoımalyq jáne ákímshílík nysandar da salynyp jatyr», — dedí ákímníń orynbasary.
Áuejaı mańyndaǵy qyzmet kórsetu ınfraqūrylymy da kezeń-kezeńímen damıdy. 2027-2028 jyldary tranzıttík jolaushylar men ekıpajdarǵa arnalǵan jańa qonaq úı keshení salynady, zamanauı kólík jáne avtotūraq júıesín qalyptastyru josparlanǵan.
«Jańa kópdeńgeılí avtotūraq jobasy tūraq oryndarynyń jalpy sanyn 2275-ke deıín jetkízedí. Būl jolaushylar úshín qolaılylyq pen qauípsízdík deńgeıín edáuír arttyrady», — dedí Oljas Smaǵūlov.
Avıatsıyalyq jańǵyrtumen qatar, Almatyda tsıfrlyq ınfraqūrylym jobalary da júzege asyrylyp jatyr. Sonyń bírí «Alatau» ınnovatsıyalyq tehnologıyalar parkí arnaıy ekonomıkalyq aımaǵynda Freedom Data Centers kompanıyasynyń zamanauı derekterdí óńdeu ortalyǵyn salu jobasy.
«Būl nysan senímdílík pen energıya tıímdílígíníń halyqaralyq standarttaryna saı bolady. Ortalyq úlken kólemdegí derekterdí qauípsíz saqtauǵa jáne óńdeuge múmkíndík beredí. Bírínshí jáne ekínshí kezeń ayaqtalǵan soń mūnda 480 serverlík tírek ornatylyp, 130 jańa jūmys orny ashylady. Būl Almatynyń óńírlík IT-hab retíndegí ornyn kúsheıtedí», — dedí ol.
Jūmystar kezeń-kezeńímen júrgízílude. Būl rette negízgí basymdyq ótkízu qabíletín arttyruǵa, qauípsízdíktí kúsheıtuge, jolaushylarǵa qyzmet kórsetu sapasyn jaqsartuǵa berílíp otyr. Būl óz kezegínde Almaty áuejaıyn jetekshí halyqaralyq avıatsıyalyq hab deńgeıíne kezeń-kezeńímen shyǵaru josparlanǵan.