Su būrqaqtaǵy balalardy qūtqarǵan studenttí marapattady
Adamdardy qūtqarudaǵy batyldyǵy úshín Qazaqstan Respublıkasy Tótenshe jaǵdaılar mınıstrí Yurıı Ilınníń būıryǵymen Sátbaev atyndaǵy Qazaq ūlttyq tehnıkalyq zertteu unıversıtetíníń 2-kurs studentí Abylaı Balapanov «Tótenshe jaǵdaıdaǵy erlígí úshín» tósbelgísímen marapattaldy, dep habarlady Almaty-akshamy.kz.TJM taratqan habaorǵa sílteme jasap.
Marapatty Qazaqstan Respublıkasynyń Tótenshe jaǵdaılar bírínshí vıtse-mınıstrí Ibragım Kúlshímbaev tabystady.
«Tótenshe jaǵdaılar mınıstríníń atynan Sízge belsendí azamattyq ūstanymyńyz úshín rızashylyǵymdy bíldíremín! Síz-búgíngí kúnníń batyry ataǵyna laıyqtysyz. Syn saǵatta ekíníń bírí Síz sıyaqty adam ómírín saqtaumen qatar, óz ómírín qauípke tígíp, jedel sheshím qabyldaı almaıtyn edí»,- dedí bírínshí vıtse-mınıstr.
Eske sala keteıík, 19 mausymda, Abylaı su būrqaqtyń qasyndaǵy oryndyqta kítap oqyp otyrǵan bolatyn. Aıqaı-shu men kómek sūraǵan dauystardy estígen jas jígít su būrqaqta toq ūryp jatqan adamdardy kórdí. Óz ómírí men densaulyǵyna qauíp tóngeníne qaramastan, Abylaı esh oılanbastan adamdardy qūtqaruǵa kírísken. Onyń aıtuynsha, ekí adamdy qūtqaru kezínde ózín de elektr toǵy qatty soqqan. Student óz-ózíne kelíp esín jıǵansha, sol mańda kezdeısoq bolǵan 40-45 jastaǵy belgísíz er adam taǵy bír qyzdy qūtqaryp qalǵan.
Su būrqaqta oryn alǵan oqys jaǵdaıda zardap shekkenderge reanımatsıyalyq sharalar jasau úshín (júrekke janama massaj jáne jasandy tynys alu) oqıǵa ornynda bolǵan qalanyń janashyr tūrǵyndary da at salysyp, kómek bergen.
Abylaı Balapanov pen aty-jóní belgísíz er adamnyń, sondaı-aq oqıǵa ornynda bolǵa qaıyrymdy jandardyń batyl áreketíníń arqasynda úsh adamnyń ómírí qūtqaryldy.
Ibragım Kúlshímbaev jas batyrǵa otbasylyq baqyt pen densaulyq tíledí.
