Jas ūrpaqty tárbıeleuge búkíl ǵūmyryn arnaǵan, shyn máníndegí Azamat, Ūstaz – Aǵaısha Ámírqyzy Saparova ómírden óttí, – dep habarlaıdy aqshamnews.kz tílshísí.
Aǵaısha Ámírqyzy 1963 jyly 16 aqpanda Atyrau oblysy Qyzylqoǵa audanynyń Mıyaly auylynda dúnıege kelgen. On bala tárbıelengen úlken otbasynda ósíp, ol jastaıynan eńbekqorlyqtyń, ózara kómektíń jáne bílímge ūmtylystyń qadírín túsíníp óstí. Bala kezínen-aq júregínde meıírím men názíktíktí saqtaı bílgen Aǵaısha Ámírqyzy tuǵan tílí men ádebıetíne degen erekshe súıíspenshílígímen erekshelendí.
Osy súıíspenshílík ony 1980 jyly daıyndyq bólímíne, keıínnen Abaı atyndaǵy Qazaq pedagogıkalyq ınstıtutynyń bírínshí kursyna alyp keldí. Atalǵan oqu ornyn ol 1985 jyly úzdík dıplommen ayaqtady.
Aǵaısha Ámírqyzy bílím beru salasyna 45 jyl ómírín arnady. Eńbek jolyn balabaqsha tárbıeshísí bolyp bastap, keıín qazaq tílí men ádebıetí páníníń mūǵalímí, dırektordyń orynbasary qyzmetterín atqardy. Keıín Almaty qalasy Medeu audany bílím bólímíníń basshysy, sondaı-aq qalalyq ınklyuzıvtí resurstyq ortalyqtyń jetekshísí boldy.
Pedagogıkalyq qyzmettegí erekshe jetístíkterí úshín Aǵaısha Ámírqyzy «Qazaqstan Respublıkasynyń bílím beru ísíníń úzdígí» belgísímen marapattalǵan, sondaı-aq bírqatar mereıtoılyq medaldar men tósbelgílerdíń ıegerí.
Áríptesterí ony árdaıym «Sózí men ísí bír jerden shyǵatyn adam» retínde eske alady. Onyń boıynda talapshyldyq pen jan jyluy, joǵary kásíbılík pen ūstazǵa tán qarapaıymdylyq erekshe úılesím tapqan edí.
Almaty qalasynyń Bílím basqarmasy Aǵaısha Ámírqyzy Saparovanyń tuǵan-tuystary men jaqyndaryna qaıǵyryp kóńíl aıtady. Onyń jarqyn beınesí Almaty qalasynyń ǵana emes, búkíl eldíń pedagogıkalyq qauymdastyǵynyń tarıhynda máńgí saqtalady.
Aǵaısha Ámírqyzynyń jarqyn beınesí onyń shákírtterí men áríptesteríníń júregínde árdaıym bıík tūlǵaly Adam retínde óshpes íz qaldyrdy.