Almatyda respýblıkalyq «Taza Qazaqstan» baǵdarlamasy men «Almaty – bizdiń ortaq úıimiz» kúzgi kampanıasy aıasynda Aqsaı jáne Qarǵaly ózenderiniń arnalaryn tazalaý jumystary júrgizildi.
Qabyldanǵan sharalar sý tasqyny men arnalardyń bitelýiniń aldyn alýda mańyzdy ról atqarady, ásirese klımattyń ózgerýine jáne jaýyn-shashynnyń qarqyndylyǵynyń artýyna baılanysty jaǵdaılarda, dep habarlaıdy aqshamnews.kz.
Kúzgi-qysqy kezeńge daıyndyq ózen arnalarynyń jaǵdaıyn taldaýdan jáne problemaly ýchaskelerdi anyqtaýdan bastaldy. Nátıjesinde tazalaý jumystary 6000 m² aýmaqty qamtydy. Tapsyrmalardy oryndaý úshin, ekskavatorlar men júk kólikterin qosa alǵanda, 6 birlik arnaıy tehnıka men 15 bilikti jol jumysshysy jumyldyryldy.
Ózenderdi tazalaý barysynda 150 m³ qoqys, sonyń ishinde plasıkalyq qaldyqtar, qurylys materıaldary jáne ósimdikter jınalyp, shyǵaryldy, bul sý ótkizgishtikti edáýir jaqsartyp, aldaǵy kúzgi-qysqy aılarda sý tasqyny qaýpin azaıtady. Sonymen qatar, ózen arnalarynyń tazalanýy sý qoımalarynyń ekologıalyq jaǵdaıyn jaqsartýǵa jáne olardyń bıologıalyq belsendiligin arttyrýǵa yqpal etedi.
Ózen arnalarynyń kútimine qatysty jumystar qalanyń turǵyndary úshin qaýipsiz jáne qolaıly ómir súrý jaǵdaılaryn qamtamasyz etý maqsatynda keshendi túrde jalǵasady.
Eske sala keteıik, Almatyda «Jarqyn kúz» aksıasy – «Almaty – nash obshıı dom» kúzgi kampanıasy aıasynda kúzgi-qysqy kezeńge belsendi daıyndyq jumystary júrgizilýde. Aksıa ekologıalyq jaýapkershilikti arttyrýǵa jáne qalany taza ustaý máselelerine jurtshylyqtyń nazaryn aýdarýǵa baǵyttalǵan.
