Oxford Economics ūıymy ázírlegen Global Cities Index 2026 reıtıngíndegí álemníń úzdík 300 qalasynyń qatarynda Almaty men Astana da bar, – dep habarlaıdy aqshamnews.kz tílshísí.
Tízímge barlyǵy 1000 qala engízílgen.
Reıtıng qorytyndysy boıynsha Almaty 265-orynǵa, al Astana 281-orynǵa tūraqtady. Osylaısha, Qazaqstannyń ekí írí qalasy jalpy tízímníń alǵashqy úshten bír bólígíne endí.
Ortalyq Azıya qalalary arasynda Almaty men Astana joǵary kórsetkísh kórsettí. Salystyru úshín, Tbılısı 287-orynǵa, Kıev 304-orynǵa, Máskeu 313-orynǵa, Baku 323-orynǵa, Sankt-Peterburg 454-orynǵa, al Bíshkek 461-orynǵa ornalasty.
Qazaqstandyq megapolıster ásírese adamı kapıtal kórsetkíshí boıynsha joǵary nátıje kórsettí. Būl sanatta Almaty 66-orynǵa, Astana 98-orynǵa ıe boldy.
Adamı kapıtaldy baǵalau kezínde kadrlyq áleuet, bílím men daǵdy deńgeıí, eńbek naryǵy jáne qalanyń bílíktí mamandardy tartu árí ūstap qalu múmkíndígí eskeríledí.
Ekonomıkalyq kórsetkísh boıynsha Astana 264-orynǵa, Almaty 288-orynǵa jaıǵasty.
Global Cities Index reıtıngínde ekonomıka men adamı kapıtaldan bólek, ómír súru sapasy, qorshaǵan ortanyń jaǵdaıy jáne basqaru júıesí de baǵalanady. Osy bes baǵyt boıynsha alynǵan nátıjeler qalalardyń jalpy ornyn anyqtaıdy.
2026 jylǵy reıtıngtíń alǵashqy úshtígíne Nyu-Iork, London jáne Parıj kírdí. Oxford Economics málímetínshe, alǵashqy júzdíktegí qalalardyń basym bólígí Europa men Soltústík Amerıkada ornalasqan.