Ūlttyq kítap kúníne oraı ūıymdastyrylǵan kítap aptalyǵynyń ekínshí kúní «Sóz óneríndegí ólketanu» atauymen ótedí, – dep habarlaıdy aqshamnews.kz tílshísí.
Būl kún otandyq avtorlardyń shyǵarmashylyǵyn keńínen tanytuǵa, aımaq ádebıetín damytuǵa jáne ár óńírdíń ruhanı mūrasyn nasıhattauǵa baǵyttaldy.
Respublıka kólemínde kítaphanalarda, mádenıet oshaqtarynda jáne bílím beru ūıymdarynda qalamgerlermen kezdesuler, kítap tanystyrylymdary, ádebı basqosular men píkír almasu alańdary ótkízíledí.
Atap aıtqanda, Abaı oblysynda qalamger Áset Myrzaqasymmen kezdesu ūıymdastyrylyp, Aqmola oblysynda Almas Temírbaıdyń «Jekebatyr» kítaby kópshílíkke tanystyrylady. Almaty oblysynda aqyn Arshyn Nūrbaqytpen kezdesu ayasynda «Aıqasqa» jınaǵy jónínde píkír almasu josparlanǵan. Sonymen qatar Abaı Qūnanbaıūly, Ǵabıt Músírepov, Qabdesh Jūmadílov, Shómíshbaı Sarıevtíń shyǵarmashylyq mūrasyna arnalǵan ádebı keshter ótedí.
Oqyrmanǵa otandyq ádebı tuyndylar, ólketanu eńbekterí jáne ár óńírdíń ótkení men mádenı kelbetín bayandaıtyn shyǵarmalar ūsynylady.