Almatyda áskerge shaqyru nauqanynyń qorytyndysy shyǵyp, 2026 jylǵa arnalǵan jospary jarıyalandy, – dep habarlaıdy aqshamnews.kz tílshísí.
Būl turaly qalalyq áskerı qauípsízdík pen qorǵanys máselesí jóníndegí ákímníń kómekshísí Erjan Rymbek Óńírlík kommunıkatsıyalar qyzmetí alańynda ótken brıfıngte habarlap aıtty.
Onyń aıtuynsha, bıylǵy kóktemde áskerı qyzmetke shamamen 2 myń azamatty shaqyrmaqshy. Ol Prezıdenttíń Jarlyǵy men ákímdík qaulysyna sáıkes 2026 jylǵy kóktemgí shaqyru 1 nauryzda bastalǵanyn eske saldy.
Byltyr 3547 adam áskerı míndetín óteuge attanǵan. Olardyń arasyndaǵy 1972 adamdy Qaruly Kúshterge, 997 adamdy ÍÍM Ūlttyq ūlanyna, 467 adam ŪQK Shekara qyzmetíne, 63 adamdy Memlekettík kúzet qyzmetí men 48 adamdy Tótenshe jaǵdaı mınıstrlígíníń bólímshesíne jíberíptí.
Búgíngí kúnge deıín:
* 212 adam – ŪQK Shekara qyzmetíne;
* 31 adam – Memlekettík kúzet qyzmetíne;
* 191 adam – Qaruly Kúshterge (13 sáuírdegí eseppen) shaqyrylǵan.
Azamattardy audandyq komıssıyalar arqyly áskerge shaqyrady. Onda medıtsınalyq tekserís júrgízíp, áskerge jaramdy-jaramsyz ekení anyqtalady. Odan keıín sarbazdardy qalalyq jınaqtau punktíne jíberíp, onda komanda jasaqtalyp, olar árí qaraı áskerı bólímderge attanady.
Shaqyrudyń sapasy men medıtsınalyq tekserístíń tıímdílígín arttyru maqsatynda Almatyda qalalyq jınaqtau punktí jańǵyrtyldy. Túrksíb audanynda ornalasqan audany 2800 sharshy metr bolatyn nysanda medıtsınalyq kabınetter, 100 tósek-orynǵa arnalǵan jatyn bólmeler, sport pen akt zaldary, sondaı-aq demalys aımaqtary bar.
«Zamandyq medıtsınalyq jabdyqpen qamtamasyz etu tekseru merzímín eduáír qysqartyp, onyń tıímdílígín arttyrady», – deıdí Erjan Rymbek.
Spıker merzímdí áskerı qyzmettí ótkergen azamattarǵa beríletín áleumettík kepíldíkterge de toqtaldy.
«Áskerge shaqyrylǵandardyń jūmys orny saqtalady, qyzmetten keıín jūmys berushíler būrynǵy jūmysyn qalpyna keltíruge míndettí. Sondaı-aq ŪBT balyn esepke almaı joǵary oqu ornyna túsu múmkíndígí qarastyrylǵan, úzdík áskerı qyzmetshíler bílím grantyn da ala alady», – dep atap óttí ol.
Būdan bólek, áskerı míndetín ótegender jataqhanaǵa ornalasar kezde basymdyqqa ıe bolyp, nesıesín tóleıtín uaqytty da keıínge shegere alady.
Erjan Rymbek áskerı qyzmetten jaltarǵandar jauapqa tartylatynyn eskerttí.
«Shaqyrtu qaǵazyn elemeı, medıtsınalyq tekseruden ótuden bas tartudyń sońy ákímshílík jáne qylmystyq jauapkershílíkke ákep soǵady. Ádeıí jaltarǵan jaǵdaıda aıyppūl 3000 AEK-ke deıín jetuí múmkín nemese 2 jylǵa deıín bas bostandyǵynan aıyru jazasy qarastyrylǵan», – dedí ol.
Jūmys berushílerge de túsíndíríp, olardyń ásker jasyndaǵy qyzmetkerdíń keluíne járdemdesíp, tıístí málímetterdí ūsynuǵa míndettí ekení aıtyldy.