Almatyda «Klımattyń ózgeruíne beıímdelu jáne onyń saldaryn azaıtuǵa arnalǵan tehnologıyalar men ınnovatsıyalar» taqyrybynda auqymdy ǵylymı konferentsıya óttí, – dep habarlaıdy aqshamnews.kz tílshísí.
Ís-shara Q.Sátbaev atyndaǵy Qazaq ūlttyq tehnıkalyq zertteu unıversıtetínde ūıymdastyryldy.
Konferentsıyanyń ashyluy akademık Qanysh Sátbaev eskertkíshíne gúl qoyu rásímínen bastaldy. Oǵan memlekettík organdardyń ókílderí, ǵylymı qauymdastyq múshelerí jáne qoǵam qaıratkerlerí qatysty.
Ǵylymı forumnyń mańyzdy oqıǵalarynyń bírí – Sátbaev unıversıtetínde jańa ǵylymı-ınnovatsıyalyq alańdardyń ashyluy boldy. Atap aıtqanda, studentter men jas ǵalymdarǵa arnalǵan Smart Petro Hub ınjenerlík zerthanasy unıversıtet qabyrǵasynda íske qosyldy. Ol áleumettík jauapkershílík ayasynda Teńízshevroıl (TShO) kompanıyasynyń qoldauymen qūrylǵan. Jańa zerthana jasandy ıntellekt, Big Data jáne tsıfrlyq modeldeu baǵyttarynda ǵylymı zertteuler júrgízuge múmkíndík beríp, Qazaqstannyń geologıya jáne energetıka salalaryndaǵy ǵylymı áleuetín arttyruǵa yqpal etedí.
- Osy konferentsıya ayasynda SmartPetroHub tsıfrlyq audıtorıyasy saltanatty túrde ashylyp jatyr. Ony jabdyqtauǵa Teńízshevroıl kompanıyasy demeushílík kórsettí. Qazaqstan Respublıkasynyń Prezıdentí Qasym-Jomart Kemelūly Toqaev 2026 jyldy tsıfrlandyru jyly dep jarıyalady. Al osy kabınette zamanauı tehnologıyalardyń jáne jasandy ıntellekt arqasynda bízdíń bolashaq mūnaı ınjenerlerímíz túrlí ken oryndarynyń kompyuterlík modelderímen tanysyp, jūmys ísteı alatyn bolady. Bíz joǵary bílíktí qazaqstandyq mamandardy daıyndaudyń mańyzdylyǵyn erekshe túsínemíz. Búgíngí tańda TShO qyzmetkerleríníń 96% qazaqstandyqtar, – dedí «Tenízshevroıl» JShS úkímetpen jáne jūrtshylyqpen baılanys jóníndegí bas menedjerí Nūrmūhammed Qartabaev.
Eske salaıyq, Teńízshevroıl – zamanauı ekonomıkanyń qozǵaushy kúshí aınalǵan mūnaı, gaz jáne ílespe ónímder óndíretín elímízdegí jetekshí kompanıya. 1993 jyldyń 6 sáuírínde Qazaqstan Respublıkasy men «Shevron» kompanıyasy arasyndaǵy kelísím negízínde qūryldy. 1993 jyldan 2025 jylǵa deıíngí kezeńde Teńízshevroıl kompanıyasynyń Qazaqstan Respublıkasyna jasaǵan tíkeleı qarjylyq tólemderí shamamen 212 mıllıard AQSh dollaryna jetken. Būl somaǵa qazaqstandyq qyzmetkerlerdíń eńbekaqysy, otandyq tauar óndírushíler men óním berushílerden satyp alynǵan tauarlar men kórsetílgen qyzmetter, memlekettík kásíporyndarǵa jasalǵan tólemder, sondaı-aq memlekettík byudjetke audarylǵan salyqtar kíredí.
Dosbol ATAJAN