Qazaqstan Respublıkasynyń Syrtqy íster mınıstrlígí 2026 jylǵy 13 qańtarda Qara teńíz akvatorıyasynda Kaspıı qūbyry konsortsıumynyń teńíz termınalyna baǵyt alǵan úsh tankerge ūshqyshsyz ūshu apparattary arqyly jasalǵan shabuyldarǵa baılanysty alańdaushylyq bíldíredí, - dep habarlaıdy Aqshamnews.kz.
Osyǵan baılanysty Qazaqstan tarapy bírqatar europalyq memleketterdíń elshílerímen shūǵyl kezdesuler ótkízíp, sondaı-aq AQSh jáne basqa da sheteldík seríktestermen konsultatsıyalar júrgízdí. Atalǵan kezdesuler barysynda halyqaralyq qūqyq normalaryn qatań saqtau, sondaı-aq kómírsutek resurstaryn tasymaldaudyń, onyń íshínde teńíz joldaryndaǵy qauípsízdígín qamtamasyz etu jónínde qajettí sharalar qabyldaudyń mańyzdylyǵyna erekshe nazar audaryldy.
Qazaqstan Respublıkasynyń qandaı da bír qaruly qaqtyǵystarǵa qatyspaıtyny, jahandyq jáne europalyq energetıkalyq qauípsízdíktí nyǵaıtuǵa tūraqty túrde úles qosyp kele jatqany atap ótíldí. Sonymen qatar elímíz energıya resurstaryn halyqaralyq talaptarǵa tolyq sáıkes árí úzdíksíz jetkízudí qamtamasyz etíp otyrǵany aıtyldy. Osy tūrǵyda atalǵan tankerlerdíń barlyq qajettí rūqsat qūjattary bolǵany jáne talapqa saı sáıkestendíru qūraldarymen jabdyqtalǵany kórsetíldí.
Mınıstrlík sońǵy uaqytta mūndaı oqıǵalardyń jıíleuí halyqaralyq energetıkalyq ınfraqūrylymnyń qauípsíz árí tūraqty jūmys ísteuíne tónetín táuekelderdíń artyp kele jatqanyn bíldíretínín atap ótíp, seríktesterdí osyndaı ıntsıdentterdíń aldyn alu maqsatynda bírlesken árí úılestírílgen sharalar ázírleu úshín tyǵyz ózara ís-qımyl jasauǵa shaqyrdy.