Áleumettík jelíde Magnum jelísíne qarasty dúkenderdíń bírínde túsírílgen vıdeo qyzu talqyǵa tústí. Kadrlarda kúrísh salynǵan konteınerdíń íshínde mysyqtyń nájísí jatqanyn, al dál sol konteınerdíń ústínde ekí mysyq otyrǵanyn kóruge bolady, dep habarlaıdy Aqshamnews.kz tílshísí.
Būl vıdeonyń astyna píkír qaldyrǵan dúkenníń resmı akkaunty oqıǵany rastady.
"Būl vıdeo halyqtyń ashuyn tuydyrǵanyn túsínemíz. Íshkí tekseruden keıín bíz oqıǵanyń mán-jaıyn túgel tekserdík. Túnde dúken qyzmetkerlerí tauar qabyldap alǵan. Tauar qabyldanatyn aumaqtyń esígínen ekí mysyq eshkímge kórínbeı kíríp ketken. Negízínde, bízdíń dándí-daqyldar salynǵan konteınerlerímízdíń qaqpaǵy únemí jabyq tūrady. Tańerteń dúkenge kelgen adamdardyń bíreuí konteınerdíń betín ashyq tastap ketíptí. Sol kezde konteınerdíń íshíne mysyq kíríp ketken", - dep túsíndírgen dúken ókílderí.
Mysyqtyń nájísí tabylǵannan keıín dúkenníń ákímshílígí kúríshtí tógíp, konteınerdí tazalaǵan kórínedí. Dúkenníń íshín de zalalsyzdandyryp, tauarlardyń bárín tekseríp shyqqan.
"Januarlardy qorǵaıtyn volonterlerge habarlasyp, ekí mysyqty jaqsy adamnyń qolyna tabystaǵymyz kelgen. Bíraq, mysyqtardy taba almaı jatyrmyz. Al, būndaı jaǵdaı bírínshí ret basymyzdan ótíp jatqan soń, tauar qabyldaıtyn aumaq, ony qabyldap alǵan qyzmetkerlerge qatysty qandaı sheshím shyǵaratynymyzdy bílmeımíz. Bíraq, amalyn tabatynymyzǵa senímdímíz", - dep jazǵan dúken ákímshílígí.