Shymkentte Qaratau audany ákímíníń futbol alańyndaǵy dauly oqıǵadan keıín qandaı jazaǵa tartylǵany belgílí boldy, – dep habarlaıdy aqshamnews.kz tílshísí.
Bıyl nauryzdyń basynda áleumettík jelílerde Shymkenttegí futbol alańdarynyń bírínde audan ákímí boluy múmkín er adamnyń belgísíz azamatty bírneshe ret ıteríp, soqqyǵa jyqqan sátí túsírílgen vıdeo taraǵan edí. Osydan keıín qalalyq ákímdíktíń baspasóz qyzmetí atalǵan jaıtqa baılanysty qyzmettík tekserís bastalǵanyn málímdedí.
Keıín ákímdík ókílderí beınejazbadaǵy adamnyń shynymen Qaratau audanynyń ákímí ekenín rastady.
Sondaı-aq būl jaǵdaı Qazaqstan Respublıkasynyń Memlekettík qyzmet ísterí agenttígí janyndaǵy Ádep jóníndegí keńeste qaralǵan. Otyrysta qyzmettík tekserístíń qorytyndylary saralanyp, Almas Abaevtyń óz túsíníktemesí tyńdalǵan.
Nátıjesínde Shymkent qalasy ákímíníń ókímímen Almas Abaev tártíptík jauapkershílíkke tartyldy.