Shchuchınskídegí qasíretten berí bír jarym aıdan asa uaqyt óttí. "Palau ortalyǵy" dámhanasynda bolǵan jarylys pen órtten zardap shekken taǵy bír adamnyń qaıtys bolǵany belgílí boldy, – dep habarlaıdy aqshamnews.kz tílshísí.
Astanadaǵy auruhanalardyń bírínde emdelushíníń kóz jūmǵany turaly Densaulyq saqtau mınıstrlígíníń baspasóz qyzmetí málímdedí. Būǵan deıín ol auruhanaǵa sanıtarlyq avıatsıyamen jetkízílgen edí.
Vedomstvonyń aıtuynsha, er adam esín jımastan jansaqtau bólímínde kóz jūmdy. Ol órt kezínde tynys alu joldarynyń auyr jaraqatyn alyp, jansaqtau bólímínde jatqan edí. Ony qūtqaru múmkín bolmady.
Eske salaıyq, tótenshe jaǵdaı 26 aqpanda keshkí uaqytta bolǵan. Shchuchınsk qalasynda bes qabatty tūrǵyn úıge tírkelgen bír qabatty dámhanada gaz aua qospasy jarylyp, órt shyqqan. Būǵan deıín oqıǵa saldarynan 7 adam qaza tapqany, onyń bírí 16 jastaǵy qyz ekení habarlandy. Keıín qaza tapqandar sany on bírge jettí.
"Tsentr plova" dámhanasy jarylǵan sát vıdeoǵa túsíp qalǵan.
Oqıǵa deregí boıynsha Qylmystyq kodekstíń 292-baby 3-bólígí "Abaısyzda ekí nemese odan da kóp adamnyń ólímíne ákep soqqan órt qauípsízdígí talaptaryn būzu" boıynsha qylmystyq ís qozǵaldy. Baptyń sanktsıyasy 5 jyldan 10 jylǵa deıíngí merzímge bas bostandyǵynan aıyrudy qarastyrady.