Túrkístan oblysynda Shardara qalasynyń 30 myń tūrǵynyn jerasty kózderínen alynatyn auyz sumen qamtamasyz etuge arnalǵan Shardara toptyq su qūbyryn salu jūmystary júrgízílíp jatyr, - dep habarlaıdy aqshamnews.kz.
Joba ayasynda jalpy ūzyndyǵy 39,3 km bolatyn qūbyr salu kózdelgen, onyń íshínde búgínde 27 km nemese 68,7% salyndy. Sondaı-aq quaty 380 kVt bolatyn transformator ornatylady. Jūmystardy jyl sońyna deıín tolyq ayaqtau josparlanyp otyr.
«Shardara-Baıyrqūm» ken ornyndaǵy jerasty suynyń bekítílgen qory táulígíne 49,2 myń tekshe metr. Su qūbyrynyń quaty táulígíne 12 myń tekshe metr. Jobany íske asyru Shardara qalasyn sapaly jáne úzdíksíz auyz sumen qamtamasyz etuge múmkíndík beredí», – dedí Su resurstary jáne ırrıgatsıya vıtse-mınıstrí Erbolat Ibraıhanov.
Esteríńízge sala keteıík, byltyrdyń qorytyndysy boıynsha Su resurstary jáne ırrıgatsıya mınıstrlígí josparlanǵan 9 jobanyń ornyna 15 toptyq su qūbyryn rekonstruktsıyalau jáne jańǵyrtu jobasyn ayaqtady. Nátıjesínde 514 000 adam tūratyn 277 eldí meken ortalyqtandyrylǵan sumen qamtamasyz etíldí jáne onyń sapasy jaqsartyldy. Onyń íshínde 73 eldí meken nemese 115 500 adam būryn ortalyqtandyrylǵan suǵa qol jetkíze almaǵan.
Bıyl 142 auyldyq eldí mekendí nemese 540 myńǵa juyq adamdy sapaly auyz sumen qamtamasyz etuge múmkíndík beretín 12 jobany ayaqtap, paıdalanuǵa beru josparda bar.
