Sınoptıkter 5 nauryzda Qazaqstannyń bírqatar óńírínde qolaısyz aua raıy kútíletínín eskerttí, – dep habarlaıdy aqshamnews.kz tílshísí.
«Qazgıdromet» málímetínshe, eldíń 16 óńírínde qar men jańbyr, boran, kóktaıǵaq, ekpíndí jel jáne tūman boljanyp otyr. Keı aımaqtarda jeldíń jyldamdyǵy sekundyna 28 metrge deıín jetuí múmkín.
Aqmola oblysynda jauyn-shashyn (jańbyr, qar), boran jáne kóktaıǵaq kútíledí. Ońtústík-batystan soqqan jeldíń ekpíní 15–20 m/s bolsa, oblystyń soltústígí men shyǵysynda keı uaqytta 23–28 m/s-qa deıín kúsheyuí múmkín. Kókshetau qalasynda tańerteń jáne kúndíz qar jauyp, jayau būrqasyn men kóktaıǵaq bolady.
Soltústík Qazaqstan oblysynda da qar, boran jáne kóktaıǵaq boljanyp otyr. Batys bólígínde tūman túsedí. Jeldíń ekpíní 15–20 m/s, keı jerlerde 23–28 m/s-qa deıín jetuí yqtımal. Petropavl qalasynda da osyndaı aua raıy saqtalady.
Qostanaı oblysynyń soltústígí, shyǵysy jáne ońtústígínde jańbyr men qar aralas jauyn-shashyn, boran kútíledí. Keı jerlerde tūman túsíp, kóktaıǵaq bolady. Osyndaı jaǵdaı Qostanaı qalasynda da baıqaluy múmkín.
Pavlodar oblysynda túnde qar, jayau būrqasyn jáne kóktaıǵaq bolsa, kúndíz jańbyr men qar túríndegí jauyn-shashyn boljanyp otyr. Pavlodar qalasynda kúndíz kóktaıǵaq pen jauyn-shashyn kútíledí.
Qaraǵandy oblysynyń batysynda, soltústígínde jáne shyǵysynda qar jauyp, jayau būrqasyn soǵady, al kúndíz kóktaıǵaq boluy múmkín. Qaraǵandy qalasynda da kúndíz qar jauady.
Ūlytau oblysynda túnde qar men jayau būrqasyn, kúndíz kóktaıǵaq kútíledí. Jezqazǵan qalasynda kúndíz joldardyń taıǵaq boluy yqtımal.
Shyǵys Qazaqstan oblysynda qar, jayau būrqasyn jáne tūman boljanyp otyr. Al Abaı oblysynda túnde qar jauyp, kúndíz jańbyr men qar aralas jauyn-shashyn túsíp, kóktaıǵaq boluy múmkín.
Almaty oblysynyń ońtústígínde jáne tauly aımaqtarynda keı uaqytta qatty jauyn-shashyn, taularda qalyń qar jauady dep kútíledí. Qonaev qalasynda tūman men kóktaıǵaq boljanyp otyr. Almaty qalasynda da keı uaqytta tūman túsíp, kóktaıǵaq bolady. Medeu jáne Bostandyq audandarynyń tauly bólíkterínde kúndíz qalyń qar jauuy múmkín.
Jambyl oblysynda tūman men kóktaıǵaq kútíledí. Osyndaı aua raıy Taraz qalasynda da saqtalady.
Túrkístan oblysynyń tauly jáne tau bókteríndegí audandarynda qatty jauyn-shashyn boljanyp otyr. Sonyń saldarynan ózenderdegí su deńgeıí kóterílíp, tasqyn qaupí saqtalady.
Qyzylorda oblysynyń soltústígí men ortalyǵynda tūman men kóktaıǵaq kútíledí. Qyzylorda qalasynda da tūman túsedí.
Aqtóbe oblysynyń keı jerlerínde jauyn-shashyn, kóktaıǵaq jáne jayau būrqasyn boljanyp otyr. Aqtóbe qalasynda da kóktaıǵaq bolady.
Batys Qazaqstan oblysynda túnde azdaǵan qar jauyp, kúndíz jauyn-shashyn, boran jáne kóktaıǵaq boluy múmkín. Oral qalasynda jańbyr men qar aralas jauyn-shashyn, tūman jáne kóktaıǵaq kútíledí.
Mańǵystau oblysynyń keı aumaqtarynda tūman túsíp, kóktaıǵaq bolady.
Al Atyrau oblysynda tūman men kóktaıǵaq, keı jerlerde shańdy dauyl kútíledí. Atyrau qalasynda túnde jáne tańerteń tūman túsíp, kúndíz kóktaıǵaq boluy múmkín.
Sınoptıkter tūrǵyndarǵa aua raıynyń kúrt nasharlauyna baılanysty saqtyq sharalaryn saqtap, alys jolǵa shyqqanda abaı boluǵa keńes beredí.
