Almatydaǵy Baluan Sholaq atyndaǵy sport keshení alańynda «Jasandy ıntellekt jyly» ayasynda ótken «Jas Stars» auqymdy jastar kontsertí 5000-nan astam kórermenníń basyn qosty, – dep habarlaıdy aqshamnews.kz tílshísí.
Kesh tek muzykalyq shou emes, sonymen qatar, aldaǵy 15 nauryzda ótetín respublıkalyq referendumdy qoldauǵa baǵyttalǵan belsendí azamattyq alańǵa aınaldy.
Ís-sharaǵa qala jastary, qoǵamdyq ūıym ókílderí, belsendíler men eríktíler qatysty. Sahna tórínde sóz sóılegen spıkerler jańa Konstıtutsıya jobasynyń mańyzyna toqtalyp, referendumǵa qatysu – ár azamattyń el bolashaǵyna qosqan úlesí ekenín atap óttí. Olar jastardy el taǵdyryna beıjaı qaramaı, óz tańdauyn jasauǵa shaqyrdy.
Keshtíń basty erekshelígí – zamanauı tehnologıya men ónerdíń úılesímí. Ortaǵa shyǵyp, jastarmen kóńíl kótergen robo-DJ Temírbek pen almatylyq barys Ádílet keshtíń jūldyzdaryna aınaldy. Temírge jan bítkendeı áser qaldyryp, kórermenderdí jańa dáuírdíń yrǵaǵymen terbettí.
Keshtíń kórkín qyzdyrǵan qazaqstandyq estradanyń jaryq jūldyzdary da sahnany gúldendíre tústí. Jastar úshín Muzart Life, Dieta kz, Luına, Mıras Júgínísov, Dj Ahmetov + Dj robot, Arqaıym, Alatau serílerí, Nūrsūltan Nūrberdıev, Alpha, Moonlight óner kórsetíp jatyr.
Ūıymdastyrushylardyń aıtuynsha, mūndaı ashyq árí kreatıv formattaǵy sharalar jastardyń sayası sauattylyǵyn arttyryp, qoǵamdyq úderísterge belsendí aralasuyna serpín beredí. Kontsert ayaǵynda júrgízushíler almatylyqtardy 15 nauryz kúní ótetín respublıkalyq referendumǵa qatysyp, el bolashaǵy úshín sanaly tańdau jasauǵa shaqyrdy.
