Prezıdent Qasym-Jomart Toqaev Saud Arabıyasynyń Taq mūragerí Mūhammed ben Salman Ál Saudpen telefon arqyly sóılestí, – dep habarlaıdy aqshamnews.kz tílshísí Aqordaǵa sílteme jasap.
Memleket basshysy Taq mūragerímen áńgímelesu barysynda Tayau Shyǵystaǵy qaqtyǵystyń ushyǵuy aımaqtyq qana emes, jahandyq qauípsízdík pen tūraqtylyqqa orasan qater tóndíretíníne nazar audardy.
Prezıdent pen Taq mūragerí qaqtyǵysqa qatyspaǵan elderdíń aumaǵyna shabuyldardyń jalǵasuy mūsylman úmbetíníń ózara qūrmet pen tózímdílík tanytatyn aıynda oryn alǵanyna qynjylatyndaryn jetkízdí.
Memleket basshysy otandastarymyzdy Qazaqstanǵa evakuatsıyalauǵa kómektesken Koroldík Úkímetíne alǵys aıtty.
Óz kezegínde Taq mūragerí qoldau kórsetkení úshín Qasym-Jomart Toqaevqa rızashylyǵyn bíldíríp, qasıettí Ramazan aıynda Qazaqstan halqyna ízgí tílegín joldady.
Taraptar ekíjaqty qatynastardy jańa árí sapaly deńgeıge kóteru, sondaı-aq halyqaralyq arenadaǵy bírlesken kúsh-jígerdí úılestíru maqsatynda tūraqty sayası dıalogty arttyruǵa uaǵdalasty.
