Irannyń áskerı ókílí AQSh pen Izraıl Tegerandaǵy bılíktí auystyruǵa talpynsa, Iran Izraıldíń ońtústígíndegí Dımona yadrolyq zertteu ortalyǵyna soqqy berudí qarastyratynyn málímdedí, – dep habarlaıdy aqshamnews.kz tílshísí. Būl turaly ISNA agenttígí jazdy.
Irannyń ISNA basylymy áskerı sheneuníktíń málímdemesíne súıeníp, AQSh pen Izraıl eger «rejım auystyru» stsenarııín júzege asyruǵa ūmtylǵan jaǵdaıda Tegeran Izraıldíń Dımonadaǵy yadrolyq nysanyn maqsat etuí múmkín ekenín habarlady.
Áńgíme Negev shólínde, Dımona qalasyna jaqyn ornalasqan yadrolyq zertteu ortalyǵy turaly bolyp otyr. Aqparatqa sáıkes, ol 1964 jyly íske qosylǵan jáne qūramynda tabıǵı uranmen jūmys ísteıtín auyrsuly reaktor bar.
BAQ málímetínshe, AQSh pen Izraıl senbí kúní Iranǵa qarsy operatsıya bastaǵanyn jarıyalaǵan. Tel-Avıv mūndaǵy maqsat «Tegerannyń yadrolyq qaruǵa qol jetkízuíne jol bermeu» ekenín aıtsa, Vashıngton Irannyń áskerı ınfraqūrylymyna soqqylar jalǵasuy múmkín ekenín eskertken.
Qaqtyǵys saldarynan adam shyǵyny turaly derekter de ártúrlí. Mysaly, Irannyń Qyzyl Jarty aıy júzdegen adamnyń qaza tapqanyn habarlaǵany aıtyldy, al keı derekkózder qaza tapqandar sany būdan da joǵary boluy múmkín ekenín jazady.
