Saılaushylarǵa partıyalardyń uádelerímen qatar, olardyń júzege asu múmkíndígí men kandıdattardyń kásíbı tájírıbesíne nazar audaru ūsynyldy, dep habarlaıdy aqshamnews.kz tílshísí.
Saılaualdy baǵdarlamalardy baǵalaǵanda qazaqstandyqtar partıyalardyń uádeleríne ǵana emes, olardyń qanshalyqty júzege asatynyna, sondaı-aq kandıdattardyń kásíbı tájírıbesíne de nazar audaruy kerek.
Būl turaly «Sarap» sarapshylar klubynyń otyrysynda QR Prezıdentí janyndaǵy Qazaqstan strategıyalyq zertteuler ınstıtutynyń Sayası zertteuler bólímíníń basshysy Janar Sanhaeva málímdedí.
Astanada «Adam jáne onyń ómír súru sapasy: elektoraldyq kún tártíbíníń basymdyqtary» taqyrybynda «Sarap» sarapshylar klubynyń otyrysy óttí. Talqylaudaǵy negízgí taqyryptardyń bírí – adamı kapıtal jáne onyń sayası partıyalardyń saılaualdy baǵdarlamalaryndaǵy orny boldy.
Janar Sanhaevanyń aıtuynsha, bílím beru, densaulyq saqtau, áleumettík qoldau jáne adamı kapıtal máselelerí jetí saılaualdy baǵdarlamanyń barlyǵynda qamtylǵan. Būl baǵyttar jastar men ata-analardan bastap aǵa buyn ókílderíne deıín halyqtyń túrlí toptarynyń múddesíne tíkeleı qatysty.
Sarapshy saılaualdy baǵdarlamalardy zerdelegen kezde saılaushylar ūsynystardyń qanshalyqty naqty ekenín jáne olardy deputattardyń ókílettík merzímí íshínde júzege asyru múmkíndígín baǵalauy qajet ekenín atap óttí.
Kez kelgen baǵdarlamany SMART júıesí boıynsha taldau qajet: ne uáde etíp otyr? Árıne, sandyq kórsetkíshterge de: qansha mektep, qansha auruhana salyndy jáne taǵy basqany qarauǵa bolady. Sonymen qatar mūnyń qanshalyqty júzege asatynyn da qarau kerek: bízde deputattar bes jyl merzímge saılanady. Sondaı-aq osy áleumettík jobalardy, meılí ol bílím beru nemese densaulyq saqtau salasynda bolsyn, júzege asyruǵa būl deputattardyń ókílettígí qanshalyqty múmkíndík beretínín baǵalau qajet, – dedí Janar Sanhaeva.
Onyń aıtuynsha, sheshím qabyldau úshín saılaualdy baǵdarlamanyń ózí jetkílíksíz. Saılaushy partıyalyq tízímníń qūramyna da nazar audaruy kerek.
Kandıdattyń ózíne qarau qajet: ol osy máselelerde qanshalyqty kásíbı, būl taqyryptardy qanshalyqty alǵa jyljyta alady? Sondyqtan mūnda saılaualdy baǵdarlamalarǵa ǵana emes, partıyalyq tízímge, osy tarmaqtardy júzege asyruǵa atsalysatyn adamdarǵa da nazar audaru mańyzdy, – dep atap óttí sarapshy.
Janar Sanhaeva memlekettík sayasattaǵy adamı kapıtaldyń rólíne de jeke toqtaldy. Onyń aıtuynsha, Konstıtutsıyalyq reforma ayasynda jańa Konstıtutsıya adamı kapıtaldy ınnovatsıyalar, bílím jáne ǵylymmen qatar strategıyalyq basymdyqtardyń bírí retínde bekíttí.
Búgínde memlekettík sayasattyń, sonyń íshínde saılanǵan Qūryltaı deputattarynyń qyzmetíníń nátıjesí adamnyń múmkíndíkterí qanshalyqty keńeıíp, onyń ómír súru sapasy qanshalyqty jaqsarǵanyna qaraı baǵalanatyn bolady, – dedí ol.
Elektoraldyq nauqannyń barysyna toqtalǵan sarapshy kandıdattardyń halyqpen jūmys ísteude dástúrlí tásílderdí, sonyń íshínde «esíkten esíkke» formatyn, sondaı-aq áleumettík jelíler men tíkeleı efırlerdí belsendí paıdalanyp otyrǵanyn aıtty.
Onyń sózínshe, adamı kapıtal men bílím beru máselelerí ótken televızıyalyq saılaualdy debattardyń da negízgí taqyryptarynyń bíríne aınalǵan. Onda kandıdattar saılaushylarǵa ūsynatyn sharalaryn tanystyrdy.