Almaty halyqaralyq áuejaıynda Nauryznama ayasynda merekelík kúnder tízbegíndegí mańyzdy merekeníń bírí Kórísu kúníne arnalǵan aktsıya ūıymdastyryldy, – dep habarlaıdy aqshamnews.kz tílshísí.
Aktsıya barysynda áuejaı jolaushylaryn ūlttyq kıím kıgen qyzdar qarsy alyp, qonaqtardy Kórísu kúnímen qūttyqtady. Olar jolaushylarǵa qazaqtyń dástúrlí taǵamdary – bauyrsaq pen shūbat ūsyndy.
Ís-shara júrgízushísí jolaushylarǵa būl kúnníń tarıhy men mańyzyn aıtyp berdí. Kórísu kúní – qazaq halqynyń ejelgí dástúrleríníń bírí. Būl kúní adamdar bír-bírímen kórísíp, amandyq sūrasyp, aqjarma tílekter aıtyp, ózara syılastyq pen tatulyqty nyǵaıtady.
Áuejaı qonaqtary merekelík aktsıyaǵa qyzyǵushylyqpen qatysyp, ūlttyq mádenıet elementterímen tanysyp, qazaqtyń dástúrlí taǵamdarynan dám tatty.
Túrlí elder men ūlt ókílderí áserín bólísíp, qazaq halqynyń qonaqjaılylyǵyna rızashylyq bíldírdí.