Germanıyanyń halyqaralyq yntymaqtastyq qoǵamy (GIZ) Su resurstary jáne ırrıgatsıya mınıstrlígíne 240 jańa tehnıka beredí, – dep habarlaıdy aqshamnews.kz tílshísí.
Onyń íshínde 110 júıelík blok, 50 planshet, 60 noutbuk jáne 20 monıtor bar.
Būl tehnıka basseındík su ınspektsıyalaryna beríledí. Qazírgí tańda mınıstrlík 130 tehnıkany qabyldap úlgerdí. Qalǵan 110-y jyl sońyna deıín jetkízíledí.
Tehnıkalyq jabdyqtau 2023 jyldyń qazan aıynda Su resurstary jáne ırrıgatsıya mınıstrlígí men GIZ arasynda jasalǵan kelísím ayasynda júzege asyp jatyr.
«Jańa tehnıka eldíń su qoryn qorǵaumen aınalysatyn basseındík ınspektsıyalardyń jūmys tıímdílígín arttyruǵa múmkíndík beredí. Tehnıkalyq jabdyqtaumen qatar, mınıstrlík qūrylǵannan berí ınspektsıya bólímderí ár oblys ortalyǵynda ashyldy, al qyzmetkerler sany ekí esege artty. Sonymen bírge byltyr qabyldanǵan Su kodeksí ınspektorlardyń baqylau jáne qadaǵalau ókílettíkterín keńeıttí»,
– dedí Su resurstary jáne ırrıgatsıya mınıstríníń bírínshí orynbasary Nūrlan Aldamjarov.