Qys mezgílínde avtokólíkterdíń órtenu qaupí edáuír artady.
Jyl basynan berí elímízdíń aumaǵynda avtokólíkterde 373 órt tírkeldí, - dep habarlaıdy Aqshamnews.kz TJM-ge sílteme jasap.
Ayazdy kúnderí mūzdap qalǵan bólshekter men agregattardy ashyq otpen jylytu áreketteríne baılanysty avtokólíkterdíń januy jıíleıdí. Kólíktí jylytu úshín ashyq otty qoldanuǵa qatań tyıym salynatynyn jáne azamattardyń ómírí men múlkíne naqty qauíp tóndíretínín eskertemíz.
Avtokólíkterdíń órtenuíníń negízgí sebepterí: elektr júıesíníń aqaulary; symdar ızolyatsıyasynyń zaqymdanuy; janarmaı men maıdyń aǵuy; agregattardyń qyzyp ketuí; qosymsha elektroqūrylǵylar ornatylǵan kezde qysqa tūıyqtalu bolyp qala beredí. Tehnıkalyq aqauy bar kólíktí paıdalanu órt qauípín edáuír arttyrady.
Avtokólíkte janǵysh materıaldar kóp. Típtí kíshkentaı aqau bolsa da, ot kózíníń áserímen órt tez taralyp, kólíktíń tolyqtaı janyp ketuíne ákeluí múmkín.
TJM avtokólík ıeleríne:
- kólíktí uaqtyly tehnıkalyq qyzmetten ótkízu;
- elektr jáne janarmaı júıesíníń jaı-kúıín baqylau;
- aqauy anyqtalǵan kólíktí paıdalanbau;
- kólíkte árdaıym jūmys ísteıtín órt sóndírgíshtíń boluyn qamtamasyz etu;
- mūzdap qalǵan bólshekterdí jylytu úshín ashyq otty qoldanbau qajettígí turaly eskertedí.
TJM azamattardan, ásírese temperatura tómendegen kezde abaı boluǵa shaqyrady.
