Sadyr Japarov Mūhtar Shahanovtyń dúnıeden ótuíne baılanysty qazaq halqyna kóńíl aıtty, – dep habarlaıdy aqshamnews.kz tílshísí.
Qyrǵyz basshysy Qasym-Jomart Toqaevqa kórnektí qazaq aqynynyń qazasyna baılanysty kóńíl aıtu jedelhatyn joldady. Shahanov Qazaqstannyń Qyrǵyzstandaǵy tūńǵysh elshísí boldy. Árí qyrǵyz jazushysy Shyńǵys Aıtmatovtyń dosy edí.
«Mūhtar aǵa bauyrlas qazaq halqynyń ǵana emes, qalyń qyrǵyz elíníń de aqsaqaly, súıener tíregí edí. Mūndaı alyp tūlǵalardyń baqılyq boluy jaıly halqymyzda "bílgenge tūtas bír dáuír kettí" deıdí. Shynynda da, Mūhtar aǵanyń máńgílík saparǵa attanuymen kúllí túrkí álemí bír dáuírínen aıyryldy...
Mūhtar aǵa quǵyn-súrgínge ūshyrasa da, moıymaı, "Jeltoqsan oqıǵasy" turaly óz píkírín batyl bíldírgení jadymyzda. Aqyn túıeníń qos órkeshíndeı qazaq pen qyrǵyzǵa bírdeı janashyr bola bíldí. Osyndaı daryndy, eljandy ūlynan aıyrylyp, qaıǵy jamylǵan qazaq jūrtyna, aqynnyń tuǵan-tuystaryna shyn kóńílímmen qaıǵyryp, kóńíl aıtamyn.
Qaırat tanytyp, sabyr saqtańyzdar!", – delíngen jedelhatta.