Qazaqstandaǵy avtojoldarda ortasha jyldamdyqty qadaǵalau júıesí taǵy 18 uchaskede engízíledí, – dep habarlaıdy aqshamnews.kz tílshísí.
Būl turaly premer-mınıstr Oljas Bektenovtíń tóraǵalyǵymen ótken qūqyq būzushylyq profılaktıkasy jóníndegí Vedomstvoaralyq komıssıya otyrysynda kólík mınıstrí Nūrlan Sauranbaev aıtty.
Úkímettíń baspasóz qyzmetíníń habarlauynsha, kólík mınıstrí Nūrlan Sauranbaev premer-mınıstr Oljas Bektenovtíń tóraǵalyǵymen ótken qūqyq būzushylyq profılaktıkasy jóníndegí Vedomstvoaralyq komıssıyada jol ınfraqūrylymynyń qauípsízdígín qamtamasyz etu jáne jańǵyrtudyń negízgí qūraldary turaly bayandady.
Mınıstrdíń aıtuynsha, Qazaqstanda 5 jyl íshínde 11 myń shaqyrym jol jańǵyrtyldy. Būl – elímízdegí jol jelíleríníń jalpy ūzyndyǵynyń 45 paıyzy. Uchaskelerdí I jáne II tehnıkalyq sanattarǵa auystyru qarama-qarsy baǵyttardy bólu jáne júru bólígín keńeıtu esebínen qauípsízdík deńgeıín arttyrǵa múmkíndík berdí. Jayau júrgínshílerdíń qauípsízdígín qamtamasyz etu jáne tranzıttík kólíkter eldí mekenderge soqpauy úshín 65 aınalma jol jáne 38 jerústí jayau júrgínshíler ótkelí salyndy. Keshendí jospar ayasynda jyl saıyn 8 myńnan astam jol belgílerí men tańbalary jańartylyp otyrady.
"Jol-kólík oqıǵalarynyń negízgí sebebí – jyldamdyqtyń artuy bolyp qalyp otyrǵandyǵy eskerílíp, jyldamdyq rejımín baqylau qūraldaryna erekshe nazar audaryluda. Búgíngí tańda ortasha jyldamdyqty qadaǵalau júıesí jalpy ūzyndyǵy 2 myń shaqyrym bolatyn eń qarqyndy 8 aqyly uchaskede engízíldí, būl shara jol apattary sanyn 15 paıyzǵa tómendetuge múmkíndík berdí. Osy oń áserdí eskere otyryp, bıyl mamyrdyń sońyna deıín ūzyndyǵy 2,9 myń shaqyrym bolatyn taǵy 18 uchaskede júıení keńeıtu josparlanuda", - dep atap óttí mınıstr.