Polıtsıya departamentí málímetínshe, oqıǵa 2026 jylǵy 20 sáuírde Bostandyq audanynda bolǵan, – dep habarlaıdy aqshamnews.kz tílshísí.
Atalǵan derek boıynsha qylmystyq ís qozǵaldy.
"Aldyn ala anyqtalǵandaı, er adam mas kúıde tepe-teńdígín joǵaltyp, aryqqa qūlap ketken. Alǵan dene jaraqattarynyń saldarynan ol oqıǵa ornynda kóz jūmǵan. Qazírgí uaqytta qajettí tergeu áreketterí júrgízílude. Oqıǵanyń ózge de mán-jaılary tergeu barysynda anyqtalatyn bolady", – dep túsíndírdí vedomstvodaǵylar.
Áleumettík jelílerde taraǵan aqparatqa qaraǵanda, qaıǵyly jaǵdaı nóser jauyn kezínde bolǵan.
"Almatyda qaıǵyly jaǵdaı boldy. Aryqtan er adamnyń máıítí tabyldy: ony qūbyrǵa tartyp ketken. Aryqtaǵy bíteludí ashu úshín shaqyrtumen kelgen kommunaldyq qyzmetkerler qoqystyń ornyna adamnyń máıítín anyqtaǵan. Aldyn ala málímet boıynsha, er adam mas kúıínde bolyp, jauyn kezínde aryqqa qūlap ketken", – dep jazady HALYQSTAN.