Bıyl aqıqat alańyna aınalǵan “Informbyuroǵa” 30 jyl tolyp otyr. Osy mańyzdy kezeńmen tūspa-tūs kelgen taǵy bír jaǵymdy jańalyq “31 arnanyń” jańa tynysy - Lımara Salıhtyń kógíldír ekranǵa qaıta oraluy.
Búgínde 31 arna medıanaryqta ózíndík orny bar, kósh basyndaǵy írgelí telearnalardyń bíríne aınaldy. Osy jyldar aralyǵynda efır tízgínín ūstaǵan talaı talantty telejúrgízushí kórermenníń júregínen oryn aldy. Qazírgí kúní jańalyqtardyń basy-qasynda bolǵan qyz-jígítterdíń árqaısysy óz atyn qalyptastyrǵan, elge tanymal tūlǵalar. Solardyń íshínde erekshe este qalǵan júrgízushíníń bírí – Lımara Salıh. Ol – “31 arnada” ūzaq jyldar boıy adal qyzmet etíp keledí. Lımara student kezínde júrgízushílík qabíletímen kózge túsíp, 2005 jyly «31 arna Óskemen» telearnasyna kastıngke shaqyrtu alady. Baıqaudan súrínbeı ótken túlek osylaısha “Informbyuro - Óskemen” jańalyqtarynyń júrgízushísí retínde jurnalıstıkadaǵy alǵashqy qadamyn bastaıdy. Tílshílík jolynyń bastauyn da, órleu kezeńín de 31 arnamen baılanystyrǵan maman kórermenge kásíbılígímen jáne shynaıylyǵymen tanyldy.
Endí, araǵa 10 jyl salyp, Lımara Salıhtyń efırge qaıta oraluy aqparattyq keńístíkke jańa serpín bererí sózsíz. 10 jyl az uaqyt emes, árıne. Bíraq Lımara Salıh kadrda bolmaǵanymen, jurnalıstıkadan alystaǵan joq. Ol júrgízushí-tílshílík qyzmetínen keıín «Informbyuronyń» aımaq tílshílerí redaktsıyasynyń redaktory qyzmetíne keldí. Qazaq redaktsıyasyna Qazaqstannyń túkpír-túkpírínen jurnalısterdí tartyp, jas mamandardyń belín buyp, buynyn qataıtyp, qalamyn ūshtauǵa túrtkí boldy. Qazír “Informbyuronyń” qazaq bólímín basqarady. Ūstanymyna berík, óz oıy, óz píkírí bar jurnalıstíń jańashyldyq jolynda jasap jatqan qadamyn áríptesterí qoldady. Sondyqtan Lımara Salıhtyń redaktorlyq tájírıbesí men júrgízushílík talantyn bíríktíre otyryp, tíkeleı efırde jańalyqtar taratu qajettílígí turaly ortaq sheshím qabyldandy. Zamanauı jurnalıstıka jańa deńgeıge ótkelí, audıtorıyanyń talǵamy bírshama ózgerdí. Osyndaı kezeńde tájírıbelí mamannyń efırge qaıta oraluy kóńíl quantarlyq jaǵdaı ekení anyq. Endeshe, kópjyldyq tájírıbe men kásíbı sheberlík toǵysqan būl sát tek arnanyń tarıhyndaǵy mańyzdy beles qana emes, sonymen qatar kórermen senímín nyǵaıta túsetín jańa bastamalardyń bírí bolmaq.