Úkímette qūqyq būzushylyqtardyń aldyn alu jóníndegí vedomstvo aralyq komıssıya otyrysy óttí, – dep habarlaıdy aqshamnews.kz tílshísí úkímettíń baspasóz qyzmetíne sílteme jasap.
Úkímettíń Telegram jelísíndegí arnasynyń habarlauynsha, komıssıya otyrysynda páterlerde naqty tūrmasa da adamdardy jappaı tírkeu máselelerí kóteríldí.
Astana qalasynda tírkeu normasy boıynsha shekteu engízílgen – otbasy múshelerín qospaǵanda, bír adamǵa kemínde 15 sharshy metrden keluge tıís.
Íshkí íster mınıstrlígíne mūndaı tásílderdí óńírlerde de engízu ūsynyldy. Uákílettí organdarǵa úshínshí tūlǵalardy jalǵan tírkeuden bas tartu qūqyǵy beríluí múmkín. Jyl saıyn 8 myńǵa juyq jyljymaıtyn múlík ıesí azamattardy jalǵan tírkegení úshín ūstalady.
Mekenjaılardy tírkeu kodtarynyń dūrys berílmeu máselesí atap ótíldí, yaǵnı ís júzínde tūtas tūrǵyn kvartaldaryna bír ǵana kod beríluí saldarynan halyqty esepke alu derekterí būrmalanyp, būzushylyqtardy anyqtau qıynǵa soǵuda.
Sondaı-aq baraq úlgísíndegí jalǵa beríletín tūrǵyn úılerdíń baqylausyz jūmys ísteuí máselesí kóteríldí. Mūndaı nysandar resmı túrde tírkelgenímen, ís júzínde jataqhana retínde paıdalanylyp, būl qūqyqtyq tártíp tūrǵysynan da, ınfraqūrylymǵa da júkteme túsírude.
Íshkí íster mınıstrlígíne Ádílet jáne Jasandy ıntellekt mınıstrlíkterímen bírlesíp, "kóleńkelí" qyzmet kórsetetín tūrǵyn úı ıeleríníń qūqyqtaryn shekteu úshín tsıfrlyq tosqauyldar belgíleu boıynsha ūsynystar qarastyru tapsyryldy. Óńírler ákímderí jalǵa beru úshín tūrǵyn úıdíń barak úlgísíndegí obektílerdí retke keltíru jáne jyljymaıtyn múlík obektíleríníń tírkeu kodtaryna revızıya júrgízu tapsyryldy.