Óner ıesí būl turaly Threads jelísíne jazdy, – dep habarlaıdy aqshamnews.kz tílshísí.
"Keshyudíń kontsertíne qatyspau turaly sheshím qabyldadym. Mensíz-aq, altyn qūrammen keremet kesh ótetíníne senímdímín. Osylaısha, óner jolymdaǵy úlken bír kezeńníń betín ózím úshín jabamyn",– dep jazdy ol.
Ózíníń jazuynsha, osy 22 jyl íshínde Móldír Áuelbekova degen atty ózí qalyptastyrǵan. Túrlí kezeńderden ótíp, sahnada da, ártúrlí lauazymdarda da qyzmet atqarypty. Típtí bıznespen aınalysyp, keı sátterde ónerden alystap, keıín qaıta oralǵan.
"Meníń óner jolymnyń qalyptasuyna úles qosqan barsha ūjymdarǵa, áríptesterge, janymnan tabylǵan adamdarǵa jáne eń áuelí ózímníń adal kórermeníme, halqyma alǵysym sheksíz. Bıyl ónerde júrgeníme 22 jyl. Būl az da kóp te emes, sol úshín bír esep beru kontsertín ótkízu meníń míndetím. Qısynsyz shou emes, talǵam men sapaǵa qūrylǵan óner keshínde kezdeseıík",– deptí ánshí jazbasynda.