Ekíbastūzda polıtsıya qyzmetkerlerí tūrǵyn úıde ūıymdastyrylǵan zańsyz alkogol óndíru tsehynyń jūmysyn toqtatty, dep habarlaıdy Aqshamnews.kz tílshísí.
Tekseru barysynda tártíp saqshylary úı íshínen belgísíz sūıyqtyq qūıylǵan 139 plastık bótelkení, syraǵa ūqsas 288 lıtr sūıyqtyqty, sondaı-aq 10 shyny kolba men spırt pen alkogol ónímderín qoldan jasap shyǵaratyn arnaıy qūrylǵyny tárkíledí.
Ekíbastūz qalalyq polıtsıya basqarmasynyń bastyǵy Tólegen Qūdaıbergenovtíń aıtuynsha, daıyn ónímderge belgílí brendterdíń japsyrmalary japsyrylǵanymen, aktsızdík markalary bolmaǵan.
Tárkílengen alkogol saraptamaǵa jíberíldí. Saraptama qorytyndysy shyqqannan keıín ís boıynsha tıístí protsessualdyq sheshím qabyldanady.
Polıtsıya zańsyz alkogol óndíru, sondaı-aq ony jasauǵa arnalǵan qūral-jabdyqtardy saqtau zańǵa qaıshy ekenín eske saldy. Mūndaı áreketter úshín qoldanystaǵy zańnamaǵa sáıkes jauapkershílík qarastyrylǵan.