Íshkí íster mınıstrlígí 15 nauryzda ótetín referendum aldynda qazaqstandyqtardy tek resmı aqparatqa senuge jáne jalǵan habarlamalardy taratpauǵa shaqyrdy, dep habarlaıdy Aqshamnews.kz tílshísí.
Vedomstvo málímetínshe, mūndaı mańyzdy kezeńde áleumettík jelíler men messendjerlerde jalǵan aqparattar men ádeıí taratylatyn arandatushy habarlamalar jıí kezdesedí. Olardyń negízgí maqsaty – qoǵamdy adastyru jáne jaǵdaıdy tūraqsyzdandyru.
ÍÍM ókílderí qazírgí tańda tsıfrlyq tehnologıyalar men jasandy ıntellektíníń damuyna baılanysty jalǵan kontent jasaudyń būrynǵydan áldeqaıda jeńíldegenín atap óttí. Sonyń saldarynan shyndyqqa janasatyndaı kórínetín, alaıda jūrtty jańylystyratyn materıaldar qysqa uaqyt íshínde keń taraluy múmkín.
Mınıstrlík kóríneu jalǵan aqparat taratu zań būzushylyq ekenín eske saldy. Mūndaı áreketter úshín ákímshílík jáne qylmystyq jauapkershílík qarastyrylǵan.
Osyǵan baılanysty qazaqstandyqtarǵa zań talaptaryn saqtap, tekserílmegen aqparatty taratpau, aqparattyq mádenıettí ūstanu jónínde úndeu jasaldy. Sondaı-aq kúmándí habarlamalardy kórgen jaǵdaıda ony ózgelerge jíbermeu qajettígí aıtyldy.
ÍÍM referendum kezínde qoǵamdyq tártíp pen qauípsízdíktí tolyq qamtamasyz etetínín málímdedí. Vedomstvonyń habarlauynsha, jalǵan aqparat taratu jáne arandatushylyq áreketter jedel anyqtalyp, zań ayasynda qatań qaralady.
«Sondyqtan tek resmı jáne senímdí aqparat kózderíne ǵana seníńízder», – dedí ÍÍM resmı ókílí Shyńǵys Alekeshev.