Ortalyq referendum komıssıyasynyń múshesí Lázzat Súıíndík respublıkalyq referendum qarsańynda úgít júrgízu jáne qoǵamdyq píkírge saual salu nátıjelerín jarıyalaudy retteıtín zańnamanyń negízgí talaptaryn eske saldy, – dep habarlaıdy aqshamnews.kz tílshísí.
Onyń aıtuynsha, «Respublıkalyq referendum turaly» Konstıtutsıyalyq zańnyń 7-babynyń 4-tarmaǵyna sáıkes referendumnyń qarsańyndaǵy kún men referendum ótkiziletin kúni úgit júrgizuge tyıym salynady.
«Erten saǵat 00.00-de úgít kezeńí ayaqtalady. Osy sátten bastap «tynyshtyq kúní» bastalady. Būl degenímíz, 14 nauryzda jáne dauys beru kúní - 15 nauryzda kez kelgen úgítke tyıym salynǵanyn bíldíredí. Būl talaptar zańnamamen belgílengen jáne elektoraldyq úderístíń barlyq qatysushylary úshín míndettí», - dep atap óttí Lázzat Súıíndík.
Dauys beretin jaılardan basqa jerlerde būryn ilingen baspa úgit materıaldarynyń, plakattardyń būrynǵy oryndarynda saqtaluy múmkin.
Lázzat Súıíndík qoǵamdyq píkírge saual saludy júrgízu erejeleríne jekeleı toqtaldy.
«Respublıkalyq referendum turaly» Konstıtutsıyalyq zańnyń 7-1-babyna sáıkes, mūndaı saual salular «Qazaqstan Respublıkasyndaǵy saılau turaly» Konstıtutsıyalyq zańda belgílengen talaptardy saqtaı otyryp júrgízíledí.
Atap aıtqanda, atalǵan zańnyń 28-babynyń 9-tarmaǵy dauys beru kúnínen bes kún būryn jáne dauys beru kúní tíkeleı qoǵamdyq píkírge saual salu nátıjelerín, referendumnyń aldyn-ala qorytyndylary jáne referendummen baılanysty basqa da zertteulerdí būqaralyq aqparat qūraldarynda jáne onlaın platformalarda jarıyalauǵa tyıym salady.
«Zań sondaı-aq dauys beru kúní qoǵamdyq píkírge saual saludy júrgízuge naqty talaptardy belgíleıdí. Olar dauys beruge arnalǵan úı-jaıda nemese punktte ótkízílmeıdí. Mūndaı saualdar tek uchaskelík komıssıyasynyń shyǵa berísínde jáne tıístí túrde Ortalyq referendum komıssıyasyn habardar etken zańdy tūlǵalar júrgíze alady», – dep atap óttí Lázzat Súıíndík.
Joǵaryda kórsetílgen talaptardy būzǵan jaǵdaıda Ákímshílík qūqyq būzushylyq turaly kodeksíne sáıkes ákímshílík jauapkershílík kózdelgen.