Barlyq deńgeıdegí referendum komıssıyalary respublıkalyq referendumdy ótkízuge daıyndyq jūmystaryn ayaqtady, – dep habarlaıdy aqshamnews.kz tílshísí. Būl turaly Qazaqstan Respublıkasy Ortalyq referendum komıssıyasynyń otyrysynda habarlandy.
«Barlyq deńgeıdegí referendum komıssıyalary daıyndyq jūmystaryn ayaqtady. Qajettí ūıymdastyrushylyq ís-sharalar júrgízíldí, komıssıyalardyń qyzmetíne ádístemelík qoldau qamtamasyz etíldí, dauys beru rásímderín qoldanu men referendum turaly zań talaptaryn saqtauda bíryńǵaı tásíl qalyptastyryldy. Būl bízdíń respublıkalyq referendumdy ótkízuge jáne ony zań talaptaryna qatań sáıkes ūıymdastyruǵa tolyq daıyn ekenímízdí aıtuǵa múmkíndík beredí», – dep atap óttí Nūrlan Ábdírov.
Daıyndyqtyń negízgí baǵyttarynyń bírí komıssıya múshelerín oqytu boldy. Kúntízbelík josparǵa sáıkes, 13 nauryzda oqytudyń qorytyndy kezeńí ayaqtaldy. Jedel aqparatqa sáıkes daıyndyq barysynda 5800-den astam oqytu semınary ótkízílíp, oǵan ártúrlí deńgeıdegí komıssıyalardyń 71 myńnan astam múshesí qatysty. Daıyndyq deńgeıín qosymsha baǵalau maqsatynda qashyqtan onlaın-testíleu ūıymdastyryldy.
ORK Tóraǵasynyń aıtuynsha, íske asyrylǵan kaskadtyq oqytu júıesí el boıynsha komıssıya múshelerín dayarlaudyń bíryńǵaı standarttaryn qamtamasyz etuge múmkíndík berdí.
Referendumǵa daıyndyq ayasynda zańnamada kózdelgen baıqau júrgízuge qajettí jaǵdaılar qamtamasyz etíldí. Referendum uchaskelerínde boluǵa qūqyǵy bar ókílderí qatysa alatyn qoǵamdyq bírlestíkter men kommertsıyalyq emes ūıymdardy akkredıtteu júrgízíldí. Búgíngí tańda 256 ūıym akkredıtteldí, onyń íshínde 11-ín Ortalyq referendum komıssıyasy, al 245-ín aumaqtyq komıssıyalar akkredıttedí.
Otyrys sońynda dauys beru kúní Ortalyq referendum komıssıyasy dástúrlí túrde tíkeleı efırde būqaralyq aqparat qūraldaryna el boıynsha dauys beru barysy turaly ár ekí saǵat saıyn aqparat beríp otyratyny atap ótíldí. Aqparat beríletín naqty uaqyt aldyn ala jarıyalanatyn bolady.