Qasym-Jomart Toqaev Túrikmenstanda ótken Ortalyq Azıa elderi basshylarynyń Konsýltatıvtik kezdesýine qatysty.
Qazaqstan Prezıdenti Ortalyq Azıany turaqty, ekonomıkalyq jaǵynan damyǵan, órkendegen óńirge aınaldyrýǵa baǵyttalǵan ekonomıka, saýda, mádenıet salalary boıynsha birqatar bastama kóterdi, dep habarlaıdy Almaty-akshamy.kz.
Bul týraly Prezıdenttiń baspasóz hatshysy Berik Ýálı Facebook-tegi paraqshasynda jazdy. «Memleket basshysy aımaqtyń kólik dálizderine ıntegrasıalanǵan taýar ótkizýdiń biryńǵaı jelisin jáne Aqtaý aılaǵynyń bazasynda «konteınerlik hab» ashýdy usyndy. Prezıdent óz sózinde Ortalyq Azıadaǵy kólik komýnıkasıalaryn damytý elderimizdegi ishki jalpy ónimdi 15 paıyzǵa arttyrýǵa múmkindik beretinin atap ótti», delingen habarlamada.
Qasym-Jomart Toqaev aımaqtyń negizgi máseleleriniń biri retinde – sý resýrstarymen qamtamasyz etý dep esepteıdi. Onyń aıtýynsha, máselelerdi sýdy teń dárejede paıdalaný, taraptardyń múddelerin eskerý, ózara mindetterdi iske asyrý qaǵıdatyna súıene otyryp sheshý qajet.
«Sý – Ortalyq Azıa elderiniń arasyna syna qaǵatyn emes, kerisinshe, biriktiretin resýrs bolýy kerek», –dedi Memleket basshysy.
Qazaqstan Prezıdenti jumys sapary aıasynda Túrikmenstan basshysy Gýrbangýly Berdimuhamedovpen kezdesti. Taraptar ekijaqty strategıalyq yntymaqtastyqtaǵy keń aýqymdy máselelerdi talqylady. Saýda-ekonomıkalyq jáne gýmanıtarlyq yntymaqtastyqty odan ári tereńdetýdiń perspektıvalaryn aıqyndady.