Óńírlík kommunıkatsıyalar qyzmetí alańynda Sharyn memlekettík ūlttyq tabıǵı parkíníń dırektory Gúlmıra Nysanbaeva erekshe qorǵalatyn tabıǵı aumaqtaǵy bíregeı tabıǵı keshendí saqtau men profılaktıkalyq ís-sharalardy júzege asyru baǵytynda qolǵa alynǵan jūmystaryn bayandady, – dep habarlaıdy aqshamnews.kz tílshísí.
Onyń aıtuynsha, ūlttyq parktíń negízgí nysandarynyń bírí – aumaǵy 5 myń gektardan asatyn respublıkalyq mańyzy bar tabıǵat eskertkíshí «Eren toǵaıy». Mūnda Qazaqstannyń Qyzyl kítabyna engízílgen soǵdy shaǵany ósedí.
«Eren toǵaıynyń bíregeı ekojúıesí men soǵdy shaǵanynyń tabıǵı ósu ortasyn saqtau – ūlttyq park qyzmetíníń basym baǵyty», – dedí spıker.
Spıkerdíń aıtuynsha, bıylǵy órt qaupí joǵary mausymǵa daıyndyq ayasynda park qajettí tehnıkamen, arnauly jabdyqpen, radıobaılanys qūraldarymen jáne janar-jaǵarmaıdyń qorymen tolyq qamtamasyz etílgen. Daıyndyq deńgeıín arttyru maqsatynda tótenshe jaǵdaı qyzmetíníń bólímshelerímen bírlesíp bes oqu-taktıkalyq jattyǵu ótkízíptí.
Turıstermen, jergílíktí tūrǵyndarmen jáne park aumaǵyna írgeles ornalasqan sharua qojalyqtarynyń ıelerímen júrgízíletín profılaktıkalyq jūmysqa erekshe nazar audaryldy. Jyl basynan berí 100-ge juyq aqparattyq jadynama taratylyp, būqaralyq aqparat qūraldary men áleumettík jelíde túsíndíru materıaldary tūraqty túrde jarıyalanyp keledí.
Sondaı-aq park qorǵanys ınfraqūrylymyn qosa damytyp jatyr. Qazír ūzyndyǵy 216 shaqyrym bolatyn mıneraldandyrylǵan jolaq kútíp ūstalyp, jańartylyp jatyr. Sonymen qatar 20 aqparattyq anshlag jańartyldy.
Gúlmıra Nysanbaeva «Eren toǵaıyn» odan árí saqtau máselesíne de toqtaldy. Orman ornalastyru jūmysy ayasynda qosymsha órtke qarsy alqaptar qūru múmkíndígí qarastyryldy. Būl bíregeı toǵaıǵa tónetín qauíp-qaterdí azaıtyp, mamandardyń jedel áreket etíp, sırek kezdesetín ósímdíktíń túrlerín saqtau sharalarynyń tıímdílígín arttyruǵa múmkíndík beredí.
«Júrgízílíp jatqan barlyq ís-sharalar «Eren toǵaıynyń» bíregeı ekojúıesín ūzaq merzímdí saqtauǵa, profılaktıka júıesín nyǵaıtyp, memlekettík organdar men halyq arasyndaǵy ózara ís-qımyldy jetíldíruge baǵyttalǵan», – dep atap óttí ūlttyq park dırektory.