Jyl basynan berí «Kólsaı kólderí» memlekettík ūlttyq tabıǵı parkínde bírde-bír orman órtí men aǵashty zańsyz kesken oqıǵa tírkelgen joq. Óńírlík kommunıkatsıyalar qyzmetínde ūlttyq park dırektorynyń míndetín uaqytsha atqarushy Maqsat Álímqūlov osylaı dep málímdedí, – dep habarlaıdy aqshamnews.kz tílshísí.
Aumaqty únemí barlap, jańa tehnıkamen jabdyqtalyp, turıster men jergílíktí tūrǵyndardyń arasynda júrgízílgen profılaktıkalyq jūmystyń arqasynda park basshylyǵy osyndaı nátıjege qol jetkízíptí.
«Negízgí jūmysymyz órtpen kúresu ǵoı. Bíz órttíń saldarymen kúreskennen górí, onyń aldyn aluǵa bar kúshímízdí salamyz. Sondyqtan profılaktıkaǵa, aumaqty tūraqty baqylap, qyzmetkerlerímízdíń daıyndyq deńgeıíne únemí kóńíl bólíp, qadaǵalap otyruǵa tyrysamyz», – deıdí Maqsat Álímqūlov.
Búgínde ūlttyq park tabıǵı órttí sóndíruge qajettí tehnıkamen tolyq qamtamasyz etílgen. Orman qoryn qorǵau maqsatynda bıyl 20 shaqyrym mıneraldandyrylǵan jolaq jańartylyp, 33,2 shaqyrym órtke qarsy alqaptarǵa kútím jasalypty. Sonymen qatar órt qauípsízdígí erejesí jazylǵan 20 jańa aqparattyq anshlag ta ornatylǵan.
Jyl basynan berí memlekettík ınspektorlar 105 bírlesken reıd ótkízdí. Tekseru barysynda orman zańnamasyn būzylǵan 31 oqıǵa anyqtaldy. Ákímshílík aıyppūldyń jalpy somasy 692 myń teńgení qūrady.
«Reıdter qūqyq būzushylyqty anyqtap qana qoımaı, olardyń aldyn aluǵa da múmkíndík beredí. Bíz erekshe qorǵalatyn tabıǵı aumaqqa kelushílerge tabıǵat ayasyndaǵy tártíptíń jón-josyǵyn únemí túsíndíremíz, óıtkení órttíń shyǵuyna kóbíne adamnyń ózí sebep bolyp jatady», – dedí spıker.
Ormandaǵy jaǵdaıdy táulík boıy 12 baqylau mūnarasy qadaǵalaıdy. Olar shamamen 47 myń gektar aumaqty qamtyp, órt oshaǵyn der kezínde anyqtauǵa múmkíndík beredí.
Maqsat Álímqūlovtyń aıtuynsha, tūraqty monıtorıng, zamandyq tehnıkalyq jaraqtandyru men ınspektorlardyń kúndelíktí jūmysynyń úılesímí ūlttyq parktí órtten qorǵauǵa sep bolǵan.
«Būl aldyn alu jūmysynyń tıímdí jūmys ístep jatqanyn kórsetedí. Būl jūmysty aldaǵy uaqytta da jalǵastyramyz», – dep tolyqtyrdy ol.
Ūlttyq park ókílderíníń málímetínshe, órt qaupí joǵary mausym ayaqtalǵanǵa deıín órttíń aldyn alu sharalary úzdíksíz jalǵasa bermek.