QR BǴM tsıfrlyq bílím berudí mail.kz portalymen bírlese kúsheıtedí
Bílím jáne ǵylym mınıstrlígí Mail.KZ elektrondyq servıske arnalǵan Ūlttyq portalymen bírlesíp tsıfrlyq bílím berudí kúsheıtedí. Ol úshín taraptar tıístí memorandumǵa qol qoıdy, dep habarlaıdy Almaty-akshamy.kz. QR BǴM mınıstrlígíníń taratqan habaryna sílteme jasap.
Atap aıtsaq, BǴM men elektrondyq servıske arnalǵan Ūlttyq portal bílím berudíń tsıfrlyq baǵdarlamalaryn ázírleıdí. Sondaı-aq bílím beru platformasy men paıdalanushylardy avtorızatsıyadan ótkízu boıynsha bíryńǵaı tetíktí ílgeríletu jóníndegí ís-sharalardy júrgízetín bolady.
«Mail.KZ portalymen bíz 2 jyldan astam uaqyt boıy yntymaqtasa jūmys ístep kelemíz. Qazaqstandyq mail jobasy úlken tehnologıyalyq quatqa ıe bolyp otyr. Ol alǵashqylardyń bírí bolyp ŪBT nátıjelerín tekseru, respublıkalyq konkurstar, olımpıadalar men basqa da ís-sharalardy tíkeleı translyatsıyalau servısterín íske asyruǵa kómektestí jáne kómektesíp keledí. Būl joly bíz elektrondyq servıske arnalǵan Ūlttyq portalmen edu.kz jáne qosymsha bílím beru qyzmetterín, sonymen bírge eldíń barlyq paıdalanushylary úshín ózderíníń tehnıkalyq múmkíndíkterín ūsynady dep kelístík. Memorandum merzímsíz jáne qarjylyq jauapkershíkke míndettemeıdí», - dep atap óttí QR Bílím jáne ǵylym vıtse-mınıstrí Rústem Bıǵarı.
Sonymen qatar memorandumǵa sáıkes, Mail.KZ mınıstrlíkke óteusíz negízde Ūlttyq bílím beru derekter bazasymen ıntegratsıyalanǵan mail.kz ūlttyq poshta servısín, my.edu.kz paıdalanushynyń jeke kabınetí ūsynady.
Memorandum qol qoıylǵan kúnnen bastap, yaǵnı 10 mausymnan bastap óz kúshíne endí.