Prezıdent Chehıya Premer-mınıstrín Í dárejelí «Dostyq» ordenímen marapattady, – dep habarlaıdy aqshamnews.kz tílshísí.
Qasym-Jomart Toqaev Andreı Babıshke būl memlekettík nagrada Chehıya men Qazaqstan arasyndaǵy strategıyalyq seríktestíktí nyǵaıtuǵa qosqan eleulí úlesí úshín tabystalǵanyn aıtty.
– Síz Qazaqstannyń senímdí dosy árí halyqaralyq deńgeıdegí kórnektí memleket qaıratkerísíz. Ekíjaqty qarym-qatynasty tabysty damytuǵa baǵyttalǵan syndarly ūstanymyńyzdy joǵary baǵalaımyn. Síz ózara yqpaldastyqty ílgeríletu jolynda ayanbaı eńbek etíp kelesíz, sol sebeptí baılanystarymyzdyń keleshegíne senímmen qaraımyz. Elderímíz arasyndaǵy sayası, sauda-ekonomıkalyq jáne mádenı-gumanıtarlyq yntymaqtastyqty damytuǵa zor úles qosqanyńyz úshín Sízge Í dárejelí «Dostyq» ordenín tabystau turaly sheshím qabyldadym. Būl joǵary marapat qazaq-cheh berík dostyǵynyń jarqyn sımvolyna aınalady. Seríktestígímíz bolashaqta da jandanyp, nyǵaya beretíníne senímdímín, – dedí Prezıdent.
Andreı Babısh joǵary memlekettík nagradamen marapattaǵany úshín Qasym-Jomart Toqaevqa rızashylyǵyn bíldírdí.
– Ekí el arasyndaǵy yntymaqtastyqtyń nátıjelí damyp kele jatqanyna shynaıy quanyshtymyn. Sayası dıalogymyz ashyq árí syndary sıpatqa ıe. Halyqaralyq arenadaǵy yqpaldastyǵymyz tūraqtylyqqa, beıbítshílík pen seríktestíkke beıíl ekenímízdí kórsetedí. Cheh Respublıkasy Qazaqstannyń álemdík arenadaǵy senímdí áríptesí ekenín maqtan tūtady. Prezıdent myrza, osy joǵary marapatqa laıyq kórgeníńíz jáne halyqaralyq seríktestík pen dıalogty nyǵaıtuǵa zor úles qosqanyńyz úshín alǵys aıtamyn. Aldaǵy uaqytta da halyqtarymyz arasyndaǵy dostyqty tereńdetu, álemde tūraqtylyq ornatu jolynda qyzmet ete beremíz dep senemín, – dedí Chehıya Premer-mınıstrí.