Būqaralyq aqparat qūraldary qyzmetkerlerí kúní qarsańynda Ál-Farabı atyndaǵy Qazaq ūlttyq unıversıtetí men Qazaqstan jurnalıstıka akademıyasynyń bírlesken kóshpelí otyrysy óttí, – dep habarlaıdy aqshamnews.kz tílshísí.
Aıtuly shara zamanauı ǵylym men medıanyń toǵysqan tūstaryn aıqyndaǵan mańyzdy alańǵa aınaldy.
BAQ ókílderí aldymen unıversıtettíń ǵylymı-ınnovatsıyalyq áleuetín tanystyratyn arnaıy kampus-tur ayasynda QazŪU-dyń ozyq ǵylymı ortalyqtaryn aralady. Jurnalıster Qazaqstan-Qytaı «Qashyqtyqtan zondtau tehnologıyalary jáne olardy qoldanu» bírlesken zerthanasy, Farabi Supercomputer Center jáne Mı ınstıtuty, Farabi Hub ınnovatsıyalyq ónímder ortalyǵy men Farabi Robotics robototehnıka ortalyǵy qyzmetímen tanysty.
Kóshpelí otyrysty QazŪU Basqarma Tóraǵasy – Rektor Janseıít Túımebaev ashyp, BAQ qyzmetkerlerín kásíbı merekesímen qūttyqtady. Unıversıtet basshysy zamanauı medıa keńístíktegí básekelestík zamanynda sapaly kadr dayarlaudyń mańyzyn atap ótíp, oqu ornynyń jurnalıstıka salasyndaǵy tarıhı mıssıyasyna toqtaldy.
«Ál-Farabı atyndaǵy QazŪU – otandyq jurnalıstıka bílímíníń altyn besígí, qara shańyraǵy bolyp qala beredí. Bíz úshín jurnalıst dayarlau – jaı ǵana dıplom beru emes, eldík múddení tu etken, sózíne de, ísíne de jauapty tūlǵa qalyptastyru», – dedí Janseıít Túımebaev.
Óz kezegínde Qazaqstan jurnalıstıka akademıyasynyń prezıdentí Saǵymbaı Qozybaev áríptesterín qūttyqtap, ádílettí Qazaqstandy qalyptastyrudaǵy baspasóz ókílderíníń mańyzdy mıssıyasyn atap óttí.
Jıyn barysynda otandyq jurnalıstıkanyń damuyna eleulí úles qosqan sala úzdíkteríne arnaıy marapattar men alǵys hattar tabystaldy.