31 nauryz ben 2 sáuír aralyǵynda Almatyda Europa jáne Ortalyq Azıya boıynsha YuNISEF-tíń óńírlík keńsesí men Qazaqstan Respublıkasy Densaulyq saqtau mınıstrlígí bírlesíp ūıymdastyrǵan patronajdyq qyzmet júıesín nyǵaıtuǵa arnalǵan keńes ótíp jatyr, – dep habarlaıdy aqshamnews.kz tílshísí.
Ís-sharanyń maqsaty — qatysushy elderge negízgí ūsynymdardy engízu men júzege asyruǵa qoldau kórsetu, sondaı-aq balalar men otbasylarǵa kórsetíletín medıtsınalyq-sanıtarlyq alǵashqy kómektíń mańyzdy qūramdas bólígí retínde úı jaǵdaıyndaǵy patronajdyq qyzmettí keńeıtu.
Keńeske patronaj baǵdarlamalaryn josparlau men íske asyruǵa jauapty 35 maman qatysyp otyr. Olardyń qatarynda densaulyq saqtau mınıstrlíkteríníń ókílderí jáne Qazaqstan, Qyrǵyzstan, Tájíkstan, Ózbekstan men Túríkmenstan elderíndegí YuNISEF qyzmetkerlerí bar.
Baǵdarlama ayasynda ár eldegí patronajdyq qyzmet júıelerí talqylanyp, jetílu deńgeıín baǵalau modelí (MMA) negízínde óńírlík sholu júrgízíledí. Keńestíń ekínshí kúní qatysushylar medıtsınalyq-sanıtarlyq alǵashqy kómek ūıymdary bazasynda osy tásílderdíń tájírıbelík júzege asyryluymen tanysty.
Keńes ayasynda YuNISEF delegatsıyasy Almatydaǵy №36 qalalyq emhanaǵa bardy. Būl medıtsınalyq mekeme qalanyń qarqyndy damyp kele jatqan Nauryzbaı audanyndaǵy tūrǵyndarǵa qyzmet kórsetedí.
Ís-sharaǵa Qazaqstan Respublıkasy Densaulyq saqtau mınıstrlígíníń Ana men bala densaulyǵyn qorǵau departamentíníń ókílí Maǵrıpa Embergenova, sondaı-aq Almaty qalasy Qoǵamdyq densaulyq saqtau basqarmasynyń tıístí bólím basshysy Jadyra Ahmetova qatysty.
Emhana dırektory Gúljaınat Tílegen mekemeníń qyzmetín tanystyryp, ámbebap-progressıvtí patronaj modelín engízu tájírıbesíne toqtaldy. Qatysushylar patronajdyq medbıkelerdíń jūmysy, tsıfrlyq sheshímder men medıtsınalyq derekterdí basqaru júıesín kórdí.
Sondaı-aq, kóshpelí qyzmet barysynda qoldanylatyn medıtsınalyq sómkeler, dıagnostıkalyq jabdyqtar men qūraldar kórsetíldí.
Patronaj modelí júktí áıelderge, jańa tuǵan nárestelerge jáne erte jastaǵy balalarǵa olardyń táuekel deńgeıín eskere otyryp, júıelí baqylau júrgízudí kózdeıdí. Būl tásíl auytqudy der kezínde anyqtauǵa, aldyn alu sharalaryn tıímdí júrgízuge jáne medıtsınalyq kómektíń qoljetímdílígín arttyruǵa múmkíndík beredí.
Atalǵan tásíl elímízdíń barlyq emhanasynda engízílíp, ana men bala densaulyǵyn qorǵau salasyndaǵy medıtsınalyq-sanıtarlyq alǵashqy kómektíń negízgí standartyna aınalǵany aıtyldy.
Keńes qorytyndysy halyqaralyq tájírıbení eskere otyryp, medıtsınalyq-sanıtarlyq alǵashqy kómek júıesín odan árí jetíldíruge oń yqpal etedí dep boljanyp otyr.