2026 jylǵy 27 mausymda saǵat 9:00 men 13:00 aralyǵynda Qazaqstannyń barlyq onkologıyalyq ortalyqtarynda onkourologıyalyq aurulardyń aldyn alu jáne olardy erte anyqtauǵa arnalǵan Bíryńǵaı ashyq esík kúní ótedí, – dep habarlaıdy aqshamnews.kz tílshísí.
Ís-shara 2026 jylǵy 15–25 mausym aralyǵynda ótkízíletín onkourologıyalyq aurulardyń aldyn alu jóníndegí respublıkalyq aqparattyq nauqan ayasynda ūıymdastyryluda. Nauqannyń maqsaty – halyqtyń nesep-jynys júıesí aurularynyń qauíp faktorlary, aldyn alu sharalary jáne der kezínde dıagnostıkadan ótudíń mańyzdylyǵy turaly habardarlyǵyn arttyru.
Ashyq esík kúní barysynda tūrǵyndar mamandardyń tegín konsultatsıyasyn alyp, profılaktıkalyq tekseruden ótíp, erler men áıelder densaulyǵyn saqtau máselelerí boıynsha ūsynystar ala alady.
QazOjRǴZI derekteríne sáıkes, quyqasty bezíníń obyry onkourologıyalyq aurulardyń íshínde eń kóp taralǵandarynyń bírí bolyp qala beredí. Elímízde jyl saıyn quyqasty bezí obyrynyń 1 600-den astam jańa jaǵdaıy tírkeledí, al osy dıagnozben 8 myńnan astam patsıent dıspanserlík esepte tūr.
Onkourologıyalyq aurulardyń qūrylymynda búırek obyry men quyq obyry da mańyzdy oryn alady. Būl aurular erte kezeńderde kóbíne sımptomsyz ótetíndíkten, jıí ísík úderísí taralǵan satyda anyqtalady.
Qazaqstanda jyl saıyn búırek obyrynyń 1 700-den astam jańa jaǵdaıy jáne quyq obyrynyń 900-den astam jaǵdaıy anyqtalady. Qazírgí uaqytta búırek obyrymen 11 myńnan astam, al quyq obyrymen 5 myńnan astam patsıent dıspanserlík esepte tūr.
Mamandar dárígerge uaqtyly qaralu, tūraqty profılaktıkalyq tekserulerden ótu jáne óz densaulyǵyna mūqıyat qarau onkourologıyalyq aurulardy emdeu tıímdílígí eń joǵary bolatyn erte kezeńderde anyqtauǵa múmkíndík beretínín atap ótedí.
Būqaralyq aqparat qūraldarynyń ókílderí Almaty qalasyndaǵy QazOjRǴZI-de ótetín aqparattyq nauqan men Bíryńǵaı ashyq esík kúní ayasyndaǵy ís-sharalardy jarıyalauǵa shaqyrylady.
Jurnalıster úshín qoljetímdí bolady:
• Qazaqstannyń jetekshí onkourologtarynyń qabyldauy jáne píkírlerí (sílteme https://www.instagram.com/p/DZ4feihs6UX/, https://www.instagram.com/p/DZ4j2ggM3cQ/);
• dıagnostıka, emdeu jáne aldyn aludyń zamanauı ádísterí turaly aqparat;
• patsıenttermen sūhbattar jáne aurudy erte anyqtau nátıjesínde sáttí emdelu oqıǵalary;
• ís-sharalardy foto jáne beınetúsírílím jasau múmkíndígí.
Ótetín kúní: 2026 jylǵy 27 mausym (senbí)
Ótetín orny: Almaty qalasy, Abaı dańǵyly, 91
BAQ akkredıtteu jáne qosymsha aqparat alu úshín: Gauhar Qalymova, +7 777 297 52 45