Qalanyń jalpy ónerkásíp óndírísí kólemíníń 42,5%-y Alatau audanyna tıesílí, dep habarlaıdy aqshamnews.kz tílshísí.
Alatau audanynda 2026 jylǵy qańtar–shílde aıynda ónerkásíp óndírísíníń kólemí 743,8 mlrd teńgege jetíp, ótken jyldyń osy uaqytymen salystyrǵanda 28,8%-ǵa artty. Osy kezeńde bólshek sauda tauar aınalymy 290,9 mlrd teńgege, negízgí kapıtalǵa salynǵan ınvestıtsıya 279,5 mlrd teńgege jettí. Almatynyń Óńírlík kommunıkatsıyalar qyzmetínde ótken brıfıngte Alatau audanynyń ákímí Danıyar Qyryqbaev audannyń áleumettík-ekonomıkalyq damuynyń qorytyndysy turaly bayandady.
Jetí aıdaǵy ónerkásíp óndírísíníń kólemí 743,8 mlrd teńgení qūrap, ótken jyly būl kórsetkísh 576,6 mlrd teńge bolǵan. Naqty kólem ındeksí 151,9%-dy qūrady. Qalanyń jalpy ónerkásíp óndírísí kólemíníń 42,5%-y Alatau audanyna tıesílí.
«Ónerkásíp sektory audan damuynyń negízgí baǵytynyń bírí bolyp qala beredí. Qazír ónerkásíp ónímíníń kólemí byltyrǵy osy uaqytpen salystyrǵanda oń ózgerís kórsetíp otyr», – dep atap óttí Danıyar Qyryqbaev.
Sauda salasynda eseptí kezeńde bólshek sauda tauar aınalymy 290,9 mlrd teńgení qūrady. Ótken jylǵy kórsetkíshpen salystyrǵanda ol 29 mlrd teńgege nemese 11%-ǵa ósken.
Taǵy bír mańyzdy kórsetkísh – ınvestıtsıya kólemíníń artuy. Jyl basynan berí negízgí kapıtalǵa salynǵan ınvestıtsıya 279,5 mlrd teńgení qūrap, ótken jylǵy deńgeıden 81,9 mlrd teńgege joǵary boldy.
Salyq túsímí boıynsha da oń dınamıka baıqalady. 2026 jyldyń basynan berí audannan memlekettík byudjetke 119,9 mlrd teńge tústí. Būl byltyrǵy osy kezeńíndegí 113,1 mlrd teńge kórsetkíshten 6,5 mlrd teńgege artyq.
Jalpy somanyń 47,5 mlrd teńgesí respublıkalyq byudjetke, 72,1 mlrd teńgesí jergílíktí byudjetke baǵyttaldy.