Qazaqstandyqtardyń 51,1 paıyzy, ChatGPT, Google Gemini, Midjourney jáne basqa da jasandy ıntellekt qosymshalaryn qoldanady. Būl turaly Qazaqstannyń strategıyalyq zertteuler ınstıtutynyń (QSZI) 2025 jylǵy áleumettanulyq saualnamasynda kórsetílgen. Zertteu nátıjelerí JI bílím alu men ózín-ózí damytu qūralyna aınalǵanyn baıqatady, - dep habarlaıdy aqshamnews.kz tílshísí.
Saualnamaǵa sáıkes, JI-dí eń belsendí qoldanatyndar - jastar.
-
18-29 jas arasyndaǵy respondentterdíń 76,2%-y jasandy ıntellekt servısterín paıdalanady.
-
30-45 jasta būl kórsetkísh 57,1%-ǵa tómendegen.
-
46-60 jas tobynda - 37,5%,
-
61 jastan asqandar arasynda nebárí 16,6%.
Jastar JI-dí kóbíne:
-
oqu úrdísíne jáne ózín-ózí damytu úshín,
-
mátíndermen jūmys ísteu úshín qoldanady.
Orta jastaǵy qazaqstandyqtardyń negízgí sūranysy da osy baǵyttarǵa jaqyn: bílím alu, kásíbı jáne mátíndík tapsyrmalardy jeńíldetu.
Al 61 jastan asqan azamattar úshín JI basym túrde aqparat ízdeu qūralyna aınalǵan: būl toptyń 40,8%-y jasandy ıntellekt servısterín eń aldymen qarapaıym ízdeu júıesí retínde qoldanatynyn aıtqan.
Áıelder erlerge qaraǵanda tsıfrlyq servısterdí jıí qoldanady. Zertteu genderlík aıyrmashylyqtyń da bar ekenín kórsetedí:-
Áıelderdíń 54,6%-y,
-
Erlerdíń 46,6%-y JI servısterín qoldanatynyn aıtqan.
JI-dí qoldanu auqymy keńeıgen saıyn, ol qazaqstandyqtardyń kúndelíktí ómíríne de eníp jatyr:
-
studentter úshín emtıhanǵa daıyndalatyn, jobalar jasaıtyn kómekshí,
-
jas mamandar úshín mátín jazatyn, ıdeya ūsynatyn «áríptes»,
-
aǵa buyn úshín aqparatty tez tabatyn yńǵaıly qūral.
Sarapshylardyń paıymdauynsha, aldaǵy jyldary JI-díń rólí tek kúsheıe túsedí, sondyqtan tsıfrlyq sauattylyq pen bílím deńgeıín kóteru eldíń damuyndaǵy strategıyalyq míndetterdíń bírí bolyp qala bermek.
Saualnama QSZI tapsyrysymen bıyl 3 qazan men 5 qarasha aralyǵynda júrgízíldí. Oǵan 8000 adam qatysqan. Zertteuge 17 oblys pen 3 respublıkalyq mańyzy bar qala - Astana, Almaty jáne Shymkenttíń 18 jastan asqan tūrǵyndary qatysty.